އެޗްއެސްބީސީން ރާއްޖޭގައި އެ ބޭންކުގެ ބްރާންޗެއް ހުޅުވީ 15 މެއި 2002 ގައެވެ. އެ ބޭންކުން ރާއްޖޭގައި ދެމުން އަންނަނީ ހޯލްސޭލް ބޭންކިންގެ ހިދުމަތް އެކަންޏެވެ.
އެ ބޭންކުން ނެރުނު ބަޔާނެއްގައި ބުނީ އެ ބޭންކުގެ ރާއްޖޭގެ ބްރާންޗުގެ އޮޕަރޭޝަން ބެލުމަށްފަހު ބަންދުކުރަން ނިންމާފައިވާކަމަށެވެ. މި ބްރާންޗު ބަންދުކުރުމުގެ ނޯޓިސް އެ ބޭނުންކުވަނީ ރާއްޖޭގެ މަރުކަޒީ ބޭންކަށްވެސް ދީފައިއެވެ.
އެޗްއެސްބީސީން ބުނީ ރާއްޖޭގެ ބްރާންޗު ބަންދުކުރަން ތައްޔާރުވަމުން އަންނައިރު އެކަން ކުރަމުން ގެންދާނީ ކަސްޓަމރުންނާއި މުވައްޒަފުންނަށް ދަތިނުވާނެ ގޮތްތައް ބަލައިގެންކަމަށެވެ. އަދި ރާއްޖޭގެ ބްރާންޗު ބަންދުވި ނަމަވެސް ރާއްޖެއަށް ހާއްސަކޮށް އެޗްއެސްބީސީ ސްރީލަންކާގައި ގާއިމްކުރާ ޑެސްކުން، ރާއްޖޭގެ އިންޓަނޭޝަނަލް ކޯޕަރޭޓް ކަސްޓަމަރުންނަށް ހިދުމަތް ދެމުން ގެންދާނެކަމަށެވެ.
އެނގިފައިވާ ގޮތުގައި ރާއްޖޭގައި ހުރި އެޗްއެސްބީސީގެ ބްރާންޗު ބަންދުކުރަނީ އުއްމީދު ކުރި މިންވަރަށް ފައިދާ ނުވާތީއެވެ.
