މި ޓިޝޫގައި ސޮއިކުރީ 2000 ވަނަ އަހަރުގެ ޑިސެމްބަރު މަހު ބާސާގެ ކުރީގެ ސްޕޯޓްސް ޑިރެކްޓަރު ކާލްސް ރެކްސާޗް އާއި ޓްރާންސްފާ އެޑްވައިޒަރު ޖޯސެޕް މިންގޭލާ އާޖެންޓީނާގެ އެޖެންޓް ހޮރާސިއޯ ގަޖިއޯލީއާ އެކު ޓެނިސް ކްލަބެއްގައި މެންދުރުގެ ކެއުމަށް ފަހު އެވެ. ފަހުން ބާސާއަށް މެސީ ސޮއިކޮށް، އޭނާ ވެގެންދިޔައީ ބާސެލޯނާގެ އެންމެ މޮޅު އެއް ކުޅުންތެރިޔާގެ އިތުރުން ދުނިޔޭގެވެސް އެންމެ މޮޅު ކުޅުންތެރިޔާއަށެވެ. މެސީ ވަނީ ބާސާއަށް 30 އަށްވުރެ ގިނަ ތަށި ހޯދައިދީ، އަދި 672 ގޯލާއެކު ބާސެލޯނާއަށް އެންމެ ގިނަ ލަނޑު ޖެހި ކުޅުންތެރިޔާގެ ރެކޯޑްވެސް ހަދާފައެވެ.
"އާދެ، އެއީ ކަރުދާސް ޓިޝޫއެއް، އެކަމަކު އެއީ ލިއޮނަލް މެސީގެ ކެރިއަރު ފެށުނުއިރު ހުރި މަޝްހޫރު ޓިޝޫ،" ބޮންހަމްސް ނިއުޔޯކުގެ ރީތި ފޮތްތަކާއި މެނުސްކްރިޕްޓްތަކުގެ ވެރިޔާ އިއަން އެހްލިންގް ނެރުނު ބަޔާނެއްގައި ބުންޏެވެ.
އުމުރުން 13 އަހަރުގައި ލިއޮނަލް މެސީ ގެނައުމަށް ބާސެލޯނާއިން ވައުދުވި ވިއްކާލާފައިވަނީ 969،000 ޑޮލަރަށެވެ.
