ޖަރުމަނު ލީގުގެ ފަހު މެޗުގައި، ރޭ ލެވަކޫސަން ނުކުތީ އޮއުސްބާގާ ދެކޮޅަށެވެ. އޮއުސްބާގް އަތުން މި މެޗުން ލެވަކޫސަން މޮޅުވީ ދެ ލަނޑު އެއް ލަނޑުންނެވެ. މި މެޗާއެކު ލީގު ނިމުނު އިރު ލެވަކޫސަނުން ލީގު ޗެމްޕިއަންކަން ހޯދިވެސް މިއީ ފުރަތަމަ ފަހަރެވެ.
ތަޖުރިބާކާރު ކުޅުންތެރިޔާ، އަދި މިހާރު ޒުވާން ކޯޗު ޒަބީ އަލޮންސޯގެ ކޯޗުކަމުގައި ކުޅޭ ލެވަކޫސަނުން ރޭގެ މެޗާއެކު މި ވަނީ ބަލިނުވެ، ސީޒަނުގެ ހުރިހާ މުބާރާތެއްގައި 51 މެޗު ހަމަކޮށްފަ އެވެ. ސީޒަނުގައި އެ ޓީމަށް އަދި ބާކީ ދެ ފައިނަލް އެބަ އޮތެވެ. އެއީ ޖަރުމަނު ކަޕާއި ޔުއެފާ ޔޫރޮޕާ ލީގުގެ ފައިނަލެވެ.
ޔޫރަޕްގެ ބޮޑެތި ލީގުތަކަށް ބަލާއިރު، ލެވަކޫސަނަކީ ބަލިނުވެ، ލީގު ޗެމްޕިއަންކަން ހޯދި ތިން ވަނަ ޓީމެވެ. މީގެ ކުރިން އިނގިރޭސި ޕްރިމިއާ ލީގު ކާމިޔާބުކުރި އާސެނަލާއި، އިޓާލިއަން ލީގުގެ ޗެމްޕިއަންކަން ހޯދި ޔުވެންޓަސްއިންވަނީ ބަލިނުވެ ލީގު ނަގާފައެވެ.
