ޕްރިމިއާ ލީގުގެ ޗެމްޕިއަންކަން މިރޭ، އާސެނަލް ނުވަތަ މެންޗެސްޓަރ ސިޓީއަށް ލިބޭނެއެވެ. އެހެން އެކަން އޮއްވައި، ރޮނާލްޑޯގެ އާއްމު ވެފައިވާ ވީޑިއޯގައި އޭނާ ބުނެފައިވަނީ އާސެނަލްއަށް ލީގު ނުލިބޭނެ ކަމަށެވެ. ރޮނާލްޑޯ ބުނީ "އާސެނަލް އަށް ތަށީ ނުހޯދޭނެ. އެމީހުންނަށް އެކަމެއްނުވާނެ،" ކަމަށެވެ. ރޮނާލްޑޯ މިހެން ބުނީ ސައޫދީ އަރަބިއްޔާގައި ބޭއްވި ރަސްމިއްޔާތެއްގައި އާސެނަލްގެ ސަޕޯޓަރަކު ޕްރިމިއާ ލީގާ ބެހޭ ގޮތުން ސުވާލުކުރުމުންނެވެ.
ސީޒަނުގެ ފަހު މެޗަށް މިރޭ އާސެނަލް ނުކުންނައިރު އެ ޓީމަށް ތަށި ނުލިބޭތާ 20 އަހަރުވެއްޖެ އެވެ. އާސެނަލް އެންމެ ފަހުން ޕްރެމިއާ ލީގު ކާމިޔާބުކުރީ 2004 ވަނަ އަހަރު އެވެ. ނަމަވެސް ސީޒަނުގެ ފަހު މެޗުގައި މިރޭ އެވަޓަންއާ ދެކޮޅަށް އާސެނަލް ނުކުންނާނީ މޮޅުވެގެން ތަށި ލިބިދާނެ ކަމުގެ އުއްމީދުގަ އެވެ. އެކަމަކު މިކަން ހަގީގަތަކަށްވާނީ ދެ ޕޮއިންޓްގެ ތަފާތުން އެއްވަނާގައި އޮތް މެންޗެސްޓާ ސިޓީ ވެސްޓްހޭމް އަތުން ބަލިވެގެންނެވެ.
ސިޓީ އަށް އެއްވަނަ ލިބިފައިވަނީ 88 ޕޮއިންޓާއެކުގަ އެވެ. އާސެނަލް ދެ ވަނާގައިވަނީ 86 ޕޮއިންޓާއެކުގަ އެވެ.
