ހިޔާ އަވަށް
މީހުން ހައްދާލައިގެން ހިޔާ ޓަވަރަށް؛ މައްސަލަ ބަލަނީ
އަލީ މިދުހަތު
21 މޭ 2024 - 13:39:03
މޮޅު ސްޓޯރީ ޖައްސާ މީހުން ހައްދާލައިގެން ހިޔާ ޓަވަރުގެ އެޕާޓްމަންޓަކަށް ގެންގޮސް ފޭރޭ މައްސަލައެއް ތަހުގީގުކުރަން ފަށައިފި އެވެ.
Advertisement
ފުލުހުން މިއަދު ބުނި ގޮތުގައި މީހުން ގެންދަނީ ހުޅުމާލޭގެ ދެވަނަ ފިޔަވަހީގައި އިމާރާތް ކޮށްފައި ހުންނަ ޓަވަރަކަށެވެ.
ކާކުކަން ނޭނގޭ ނުވަތަ ގޮތް ނޭނގޭ މީހުން މިގޮތަށް ތަންތަނަށް ދާން އެދުނު ކަމަށްވިޔަސް، އެކަން ނުކުރަން ފުލުހުން ވަނީ އިލްތިމާސްކޮށްފަ އެވެ.
އެއީ ކޮން ޓަވަރެއް ކަން ހާމަނުކޮށް ފުލުހުން ބުނީ މިމައްސަލަ އިތުރަށް ތަހުގީގުކުރަމުން ދާ ކަމަށެވެ.
ހިޔާ ފްލެޓްގެ ވައިބާ ގްރޫޕެއްގައި ޖަހާފައިވާ ޕޯސްޓެއްްގައި ބުނެފައި ވަނީ ފޭސް ދޭއްގެ ބައެއް ޓަވަރު ތަކުގައި ދިރިއުޅެމުންދާ އަންހެނުންގެ ފަރާތުން ފިރިހެނުން ކިޑްނެޕް ކުރަމުންދާ ކަމުގެ މައުލޫމާތު ލިބެމުން އަންނަ ކަމަށެވެ.
އެހެންކަމުން އެއްވެސް އަންހެނަކު ބުނެގެން އެ މީހުންގެ އެޕާޓްމަންޓަަށް ނުދިއުމަށް އަންގާފައި ވެއެވެ. އަދި ކުޑަކުދިން އިތުރަށް ސަމާލުވުމަށް ނަސޭހަތްތެރިވެފައި ވެއެވެ.
ހިޔާ ފްލެޓްގެ 25 ބުރީގެ 16 ޓަވަރުގައި ގިނަ ބަޔަކު ދިރިއުޅެން ފަށާފައިވާއިރު އެ އަވަށުގައި ކުށުގެ މައްސަލަތައް އަންނަނީ އިތުރުވަމުންނެވެ.
0%
ކަމުގޮސްފި
0%
އަޑުއެހިތާ މިހުރީ
100%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
