އެކޯޓުގެ ވެރިޔާ ނަވާފް ސަލާމް ވިދާޅުވީ، ރަފާހުގެ ހާލަތު އިތުރަށް ގޯސްވެފައިވާ ކަމަށާއި ގާޒާގައި ތިބި މީހުން އެހެން ހިސާބުތަކަށް ނުވަތަ އެތަނުގައި ތިބި މީހުން ނެރުމަށް ނިރުބަވެރިން ކުރަމުން އަންނަ މަސައްކަތަކީ އެންމެ އެކަށީގެންވާ މަސައްކަތެއް ކަމަށް ގަބޫލު ނުކުރެވޭ ކަމަށެވެ.
މީގެ އިތުރުން ގާޒާގެ ހާލަތު ބެލުމަށް ތިބޭ އިދާރާތަކަށް ގާޒާ ވަދެވޭނެ ފުރުސަތު އިސްރާއީލުން ފަހިކޮށްދޭން ޖެހޭނެ ކަމަށް ވެސް އަމުރުގައިވެ އެވެ.
އޭގެ އިތުރުން، ފަލަސްތީނުގެ އިންސާނީ ހާލަތު ވަރަށް ބޮޑަށް ގޯސްވެފައިވާކަން ވެސް ކޯޓުން ފާހަގަ ކުރި އެވެ. އަދި ގާތްގަނޑަކަށް މިލިއަނެއްހާ މީހުންގެ ގެދޮރު ގެއްލިފައިވާކަން ވެސް ކޯޓުން ފާހަގަ ކުރި އެވެ.
އެ އަމުރު ނެރުނީ 13 ފަނޑިޔާރުންގެ އަގުލަބިއްޔަތުންނެވެ. އަމުރު ނެރުމާ ދެކޮޅުވީ ދެ ފަނޑިޔާރެކެވެ.
މީގެކުރިން އެ ކޯޓުން ކުރި ހުކުމުގައި އިޒްރޭލުގެ މައްޗަށް އަމުރުކޮށްފައިވަނީ ޣައްޒާގައި ގަތުލުއާންމު ހިންގުން ހުއްޓުވަން ހުރިހާ މަސައްކަތެއް ކުރުމަށެވެ. އެކަމަކު ހަމަލާތައް ހުއްޓައިލަން ސީދާ އަމުރުކޮށްފައެއް ނުވެ އެވެ.
ދެކުނު އެފްރިކާއިން ބުނީ ދޮޅު މިލިނައެއްހާ ފަލަސްތީނުގެ ރައްޔިތުން ހިމާޔަތް ހޯދަމުން އަންނަ ރަފަހް އަށް އިސްރޭލުން އަރައިގަތުމުން، ހަމާސްއާ ހަނގުރާމަކުރުމުގެ ނަމުގައި އިޒްރޭލުން ހިންގަމުންދާ ޖަރީމާތައް އިތުރަށް ގޯސްވެފައިވާ ކަމަށެވެ.
ގާޒާއަށްދޭ ހަމަލާތައް ހުއްޓާ ލުމަށް އަމުރެއް އިއްވި އިރު، ފަލަސްތީނުގެ ރައްޔިތުންނާ ދެކޮޅަށް ހިންގާފައިވާ ޖަރީމާތަކާ ގުޅިގެން އިޒްރޭލުގެ ރައީސް ބެންޖަމިން ނަތަންޔާހޫ ހައްޔަރުކުރުމުގެ އަމުރަކަށް ވެސް އެ ކޯޓުގައި ވަނީ އެދިފަ އެވެ.
އައިސީސީގެ އެއްވެސް ނިންމުމަކަށް އިޒްރޭލުން ތަބާނުވާނެ ކަމަށް ނަތަންޔާހޫ މީގެކުރިން ވެސް ވަނީ ވިދާޅުވެފަ އެވެ.
މިދިޔަ އަހަރުގެ އޮކްޓޯބަރު ހަތް ވަނަ ދުވަހުން ފެށިގެން ހަމާސް ނައްތާލުމުގެ ނަމުގައި އިޒްރޭލުން ހުއްޓުމެއްނެތި ދެމުންދާ ހަމަލާތަކުގައި، މިހާތަނަށް 35،000 އަށް ވުރެ ގިނަ ފަލަސްތީނުގެ ރައްޔިތުން ވަނީ ޝަހީދުވެފަ އެވެ.
އޭގެ ތެރެއިން، 56 ޕަސަންޓަކީ އަންހެނުންނާއި ކުޑަކުދިން ކަމަށް އދ. އިން ވަނީ ބުނެފަ އެވެ.
