ޓެން ހޭގްގެ އިރުޝާދުގެ ދަށުން، ޔުނައިޓެޑުން ރޭ ވަނީ، މެންޗެސްޓަރ ސިޓީ ބަލިކޮށް، 13 ވަނަ ފަހަރަރަށް އިގިރޭސި އެފްއޭ ކަޕް ހޯދާފައެވެ. ވެމްބްލީގައި ކުޅުނު މި މެޗުން ޔުނައިޓެޑު މޮޅުވީ ދެ ލަނޑު އެއް ލަނޑުންނެވެ.
މެޗަށް ނުކުތްއިރުވެސް، ޔުނައިޓެޑަށް އެދެވޭ ނަތީޖާއެއް ނުނެރެވޭތީ ކޯޗުކަމުގެ މަގާމުން ޓެން ހޭގް ވަކިކުރާނެ ކަމުގެ ޕްރެޝަރު ކޯޗަށް އޮތެވެ. އެހެންނަމަވެސް އެކަމާ މެދު ފަރުވާލެއް ނުބަހައްޓައި ތަށި ހޯދުމަށް ފަހު، ޓެން ހޭގް ބުނީ، އޭނާ ކުރާހާވެސް ކަމަކީ ތަށި ހޯދުން ކަމަށެވެ.
މެނޭޖްމެންޓުން އަހަރެން ވަކިކުރަންޏާ ކުރަންވީ. އޭރުން އަހަރެން އެހެން ޓީމަކަށްދާނަން، އެކަމަކު އެ ތަނުގައިވެސް އަހަރެން ކުރާނެހާވެސް ކަމަކީ ތަށި ހޯދުން" ޓެން ހޭގް މެޗަށް ފަހު ބުންޏެވެ.
ޔުނައިޓެޑާއެކު ދެވަނަ ސީޒަން ނިންމާލި ޓެން ހޭގްވަނީ ފުރަތަމަ ސީޒަންގައި ލީގު ކަޕް، އަދި ދެވަނަ ސީޒަންގައި އެފްއޭކަޕް ހޯދާފައެވެ. އަދި މިއީ އޭނާ ޔުނައިޓެޑާއެކު ކުޅުނު ތިންވަނަ ފައިނަލްވެސްމެއެވެ.
