ދުންފަތް:
ދުންފަތުގެ ވިޔަފާރި ކުރެވޭނީ ލައިސަންސް ނަގައިގެން
ގުފްތަގް އަޖީރު
21 ނޮވެންބަރ 2024 - 16:14:50
ދުންފަތުގެ ގާނޫނަށް ގެނައި އިސްލާހާ ގުޅިގެން، ދުންފަތުގެ ބާވަތްތައް އެތެރެކުރުމާއި ވިއްކުމުގެ ވިޔަފާރި ކުރެވޭނީ ހާއްސަ ލައިސަންސެއް ނަގައިގެން ކަމަށް ހެލްތު މިނިސްޓްރީން މިއަދު ބުނެފި އެވެ.
Advertisement
ހެލްތު މިނިސްޓްރީން ބުނީ ދުންފަތުގެ ބާވަތްތައް އެތެރެކުރާ އަދި ބޭރުކުރާ ހުރިހާ ފަރާތްތަކުން މި ލައިސަންސް ނަގަން ޖެހޭނެ ކަމަށެވެ. އަދި ގަނޑުކޮށް ނުވަތަ ވަކިވަކިން ވިއްކާ ފަރާތްތަކުންވެސް ސަރުކާރުގެ ކަމާ ބެހޭ އިދާރާތަކުން ދޫކުރާ ލައިސަންސް ހޯދަން ޖެހޭނެ ކަމަށެވެ.
މި ލައިސަންސް ދޫކުރުމުގެ އުސޫލުތަކާއި އިޖުރާއަތުތައް ކަނޑައަޅާ ގަވާއިދެއް ހަދަން ޖެހޭނެ ކަމަށް މިނިސްޓްރީން ބުނެފައިވެ އެވެ. އެ ގަވާއިދު ހަދަން ޖެހޭނީ ގާނޫނަށް އަމަލުކުރަން ފަށާތާ 60 ދުވަހުގެ ތެރޭގައެވެ.
މި އިސްލާހާ އެކު، ދުންފަތުގެ ބާވަތްތައް ވިއްކޭނެ އެންމެ ހަގު އުމުރު ވަނީ 21 އަހަރަށް މަތިކޮށްފަ އެވެ. އަދި ވޭޕް ބޭނުންކުރުމާއި ވިއްކުން މަނާކޮށް، އެކަމަށް ބޮޑެތި ޖޫރިމަނާތަކެއް ވަނީ ކަނޑައަޅައިފަ އެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
