އެމަނިކުފާނު ކަމަށް ގޮވާލެއްވީ މިއަދު ފެށި އައު ދިރާސީ އަހަރުގެ މުނާސަބަތުގައި ފޮނުވި ތަހުނިޔާ މެސެޖްގައެވެ.
ނައިބް ރައިސް ވަނީ މި ފެށި ދިރާސީ އައު އަހަރުގެ ތަހުނިޔާ ލޮބުވެތި ދަރިވަރުންނަށާއި، މުދައްރިސުންނަށް އަރިސްކުރަައްވާފައެވެ. އައު އަޒުމަކާއެކު އިތުރު ކުރިއެރުން ހާސިލް ކުރުމަށް މަސައްކަތް ކުރުމަށް ގޮވާލާ ދަރިވަރުންނަށް އެމަނިކުފާނު ވަނީ ހިތްވަރުދެއްވާފައެވެ. އަދީ ސްކޫލާއި، ދިރިއުޅޭ ވެއްޓަކީ ދަރިވަރުންގެ ތައުލީމާއި ތަރުބިއްޔަތާއި ގުޅިފައިވާ މުހިންމު ދެ މާހައުލުކަން އެމަނިކުފާނު ވަނީ ފާހަގަކުރައްވާފައެވެ.
މިއަހަރުގެ ދިރާސީ އަހަރު މުޅި ރާއްޖޭގައި ފެށީ 96،000 ދަރިވަރުންނާއި އެކުއެވެ. މީގެތެރެއިން 26،000 ދަރިވަރުން ތައުލީމް ހާސިކުރަމުން ގެންދަނީ މާލޢ ސަރަހައްދުގައެވެ. އޭގެތެރޭގައި ޕްރައިވެޓް ސްކޫލްތަކުގައި ކިޔަވަމުން އަންނަ 9000 ދަރިވަރުން ހިމެނެއެވެ.
މި ފެށުނު ދިރާސީ އަހަރު ނިމި ދެން ސްކޫލްތައް ބޮޑު ބަންދަށް ދާނީ އަންނަ އަހަރުގެ ރޯދަމަހާާއި ދިމާވާގޮތަށެވެ. މި އަހަރުގެ ފުުރަތަމަ ޓާމް ނިމޭނީ ސެޕްޓެމްބަރު 26ގައެވެ. ފުރަތަމަ ޓާމް ޗުއްޓީއަށްފަހު ސްކޫލްތައް އަލުން ހުޅުވޭނީ އޮކްޓޫބަރު 3 ގައެވެ. އޮކްޓޫބަރު 6ގައި ދެވަނަ ޓާމުގެ ކިޔެވުން ފެށުމަށްފަހު އެޓާމުގެ ކިޔެވުން ނިމޭނީ އަންނަ އަހަރުގެ މާޗް 6 ގައެވެ.
ސްކޫލްތަކުގެ ބޮޑު ބަންދު 9 މާރިޗުގައި ފަށާ ބަންދު ނިންމާ 2025 ވަނަ އަހަރުގެ ދިރާސީ އަހަރު ފެށޭނީ އެ އަހަރުގެ އޭޕްރިލް 3 ގައެވެ.
