ގަތަރު އެއާވޭސްގެ ފްލައިޓެއް ޓާބިއުލަންސެއްގައި ޖެހުނީ ގަތަރުގެ ވެރިރަށް ދޯހާއިން ފުރައިގެން ޑަބްލިންއަށް ދަތުރު ކުރަމުން ދަނިކޮށެވެ.
ގަތަރު އެއާވޭސްގެ ފްލައިޓް ކިއުއާރު017 ޑަބްލިންއަށް އެ ގައުމުގެ ގަޑިން މެންދުރު 13:00 ޖެހުމުގެ ކުޑައިރުކޮޅެއް ކުރިން ޖެއްސުމާ އެކު އެއާޕޯޓް ފުލުހުންނާއި އެމްބިއުލާންސް އަދި ފަޔާ އޮފިސަރުން ހިމެނޭ ގޮތަށް އެމަޖެންސީ ސާވިސަސް އިން ވަނީ ބައްދަލުކޮށްފަ އެވެ.
އެ ހާދިސާގައި ހަ ފަސިންޖަރަކާއި ހަ ފަޅުވެރިއަކަށް އެކިވަރުގެ އަނިޔާ ލިބިފައިވާ ކަމަށް މައުލޫމާތު ލިބެ އެވެ.
އެ ހާދިސާގައި ހަ ޕަސިންޖަރަކާއި ބޯޓުގެ ހަ ކްރޫއަކަށް އެކިވަރުގެ އަނިޔާވެފައިވެ އެވެ. ނަމަވެސް އެއްވެސް މީހަކަށް ސީރިއަސް އަނިޔާއެއް ލިބިފައެއް ނުވެ އެވެ. އަދި މިކަން ހިނގައިދިޔަ ގޮތް ތަހުގީގު ކުރަމުންދާ ކަމަށްވެސް ބުނެފައިވެ އެވެ.
ގަތަރު އެއާވޭސްގެ ފްލައިޓެއް ޓާބިއުލަންސެއްގައި ޖެހުނުއިރު، ދާދިފަހުން ސިންގަޕޯ އެއާލައިންސްގެ މަތިންދާބޯޓެއް ޓާބިއުލަންސެއްގައި ޖެހި، ބޯޓުން ދަތުރުކުރި އެކަކު މަރުވެ އަދި އެތައް ބަޔަކަށް ވަނީ ބޮޑެތި އަނިޔާތަކެއް ލިބިފަ އެވެ.
