އެސްޓީއޯގެ ފާމަސީއަކުން ހިދުމަތް ދެނީ: ސޮފްޓްވެއާ އަޕްގްރޭޑް ކުރާތީ ފާމަސީތައް މާދަމާ ބަންދުވާނެ - ފޮޓޯ:އެސްޓީއޯ
ސޮފްޓްވެއާ އަޕްގްރޭޑް ކުރާތީ އެސްޓީއޯގެ ފާމަސީތައް މާދަމާ ބަންދުކުރަނީ
މުހައްމަދު އަތީފް
30 މޭ 2024 - 12:16:42
އެސްޓީއޯގެ ފާމަސީތަކުގައި ބޭނުން ކުރަމުން އަންނަ ސޮފްޓްވެއާއަށް ބަދަލުތަކެއް ގެނައުމުގެ މަސައްކަތް ކުރަމުންދާތީ އެ ތަންތަނުގެ ހިދުމަތް މާދަމާ މެދުކެނޑޭނެ ކަމަށް އެސްޓީއޯ މެޑިކަލް ސާވިސަސްއިން ބުނެފި އެވެ.
Advertisement
އެސްޓީއޯއިން ބުނެފައި ވަނީ އެ ކުންފުނިން ކަސްޓަމަރުންނަށްދޭ ހިދުމަތްތައް ފުޅާކުރުމަށް ޓަކައި މިހާރު ބޭނުންކުރަމުންދާ ސޮފްޓްވެއާ އަޕްގްރޭޑް ކުރުމުގެ މަސައްކަތް ކުރިއަށްދާ ކަމަށެވެ.
ސޮފްޓްވެއާ އަޕްގްރޭޑް ކުރުމުގެ މަސައްކަތަށް ފާމަސީތަކުގެ ހިދުމަތް މެދުކަނޑާލި ނަމަވެސް، އިމަޖެންސީ ހާލަތްތަކުގައި ބޭސް ދޫކުރާނެ ކަމަށް އެސްޓީއޯއިން ބުނެ އެވެ.
އެސްޓީއޯއިން ބޭހުގެ ބާވަތްތައް ވިއްކަން ފަށާފައި ވަނީ 1983 ވަނަ އަހަރު އެވެ. ބޭހުގެ ބާވަތްތަކުގެ އިތުރުން އެ ކުންފުނިން ސިއްހީ އެކި ކަންކަމަށް ބޭނުންވާ އާލަތްތަކާއި އިކުއިޕްމެންޓްތައް އެތެރެކޮށް ވިއްކަމުންދެ އެވެ.
ރާއްޖޭގައި އެންމެ ފުޅާދާއިރާއެއްގައި ބޭސް ވިއްކަމުންދާ ކުންފުންޏަކީ އެސްޓީއޯ ކަމަށްވާއިރު، ރާއްޖޭގެ އެކި ރަށްރަށުގައި މިވަގުތު 190 ފާމަސީ އެ ކުންފުނިން އަންނަނީ ހިންގަމުންނެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
