ކުޅުދުއްފުށީގެ ހޮސްޕިޓަަލްގެ އިހުމާލުން ތުއްތު ކުއްޖާގެ ހާލަތު ގޯސްވިކަަމަށް ތުހުމަތުކޮށް އެކުއްޖާގެ އާއިލާއިން ކުރި ޕޯސްޓް ސޯޝަލް މީޑިއާގައި ފެތުރުމާއި އެކު އާންމުންގެ ކަންބޮޑުވުން އިތުރުވެ އެތައް ބަަޔަކު ދަނީ އެކަމަށް ފިޔަވަޅު އަޅަން ގޮވާލަމުންނެވެ.
މި މައްސަލައާއި ގުޅިގެން ކުޅުދުއްފުށީ ރީޖަނަލް ހޮސްޕިޓަލްގެ މީޑިއާ އޮފިޝަލް "ސީއެންއެމް" އަށް މިއަދު ވިދާޅުވީ ހޮސްޕިޓަލް ގެ އިހުމާލެކޭ، މެޑިކަލް ކޭސްއެކޭ ދަންނަވަން އެނގޭނީ ކުޑަކޮށް ކޭސް ރިވިއުއެއް ކޮށްފަ ކަމަށެވެ.
ކުޅުދުއްފުށި ރީޖަނަލް ހޮސްޕިޓަލްގެ އިހުމާލުން ތުއްތު ކުއްޖާގެ ހާލު އިތުރަށް ގޯސްވިކަމަށް ބުނާ މައްސަލަ ހެލްތް މިނިސްޓްރީން ބަލަން ފަށާފައިވާއިރު ހާލު ގޯސްވި 8 މަހުގެ ތުއްތު ކުއްޖާގެ އާއިލާއިން ކުރި ޕޯސްޓްގައި ބުނީ އެ ކުއްޖާ ހުން އައުމުގެ ސަބަބުން ހޮސްޕިޓަލަށް ގެންގޮސްފައިވަނީ މިމަހުގެ 12 ވަަނަ ދުވަހުގައިކަމަށެވެ.
އެ ކުއްޖާ މާލެ ގެނެސް މިހާރު އަންނަނީ އައިޖީއެމްއެޗުގެ އައިސީޔޫގައި ފަރުވާދެމުންނެވެ. އަދި އާއިލާ އިން ވަނީ ކުއްޖާ ގެ ހާލަތު ގޯސްވެ އެ ހާލަތަށް ދާން ޖެހުނީ ކުޅުދުއްފުށީ ހޮސްޕިޓަލުގެ އިހުމާލުން ކަމަށް ތުހުމަތުކޮށް އެކަމުގައި އިހުމާލުވި މީހުންނަށް ފިޔަވަޅު އަޅަންވެސް ގޮވާލާފަ އެވެ.
