ކޮންމެ އަހަރަކުވެސް ބާއްވަމުން އަންނަ ފޯރިގަދަ މި މުބާރާތް ފަށަން ތާވަލުކޮށްފައިވަނީ އަންނަ އޮގަސްޓް މަހުގެ ދެވަނަ ދުވަހުއެވެ.
ކުޅުދުއްފުށި ސިޓީ ކައުންސިލުން އިންތިޒާމުކޮށްގެން ބާއްވާ މިމުބާރާތުގެ މަގްސަދަކީ ކުޅުދުއްފުށީގައި ކޮންމެ އަހަރަކުވެސް ގަވައިދުން ކުރިޔަށްދާނެ، ފެންވަރު ރަނގަޅު ފުޓުބޯޅަ މުބާރާތެއް ބޭއްވުމުގެ އިތުރުން ކުޅުދުއްފުށިގެ ޒުވާނުންނަށާއި ފުޓްބޯޅަ ކުޅުމަށް ލޯބިކުރާ އެންމެހާ ފަރާތަތަކަށް މުބާރާތެއްގައި ވާދަކުރުމުގެ ފުރުސަތު ހޯދައިދިނުން ކަމަށް ސިޓީ ކައުންސިލުން ބުންޏެވެ.
އަދި މީގެ އިތުރުން މި މުބާރާތުގެ މަގްސަދުތަކުގެ ތެރޭގައި ރަށުގެ ޒުވާނުންގެ ފުޓްބޯޅައިގެ ހުނަރު އިތުރުކޮށް، ގައުމީ ފެންވަރުގައި ފުޓްބޯޅަ ކުޅޭ ޒުވާނުން އުފެއްދުމާއި ފުޓްބޯޅައަކީ ދިވެހިރާއްޖޭގެ ގިނަބަޔަކު ލޯބިކުރާ ކުޅިވަރަކަށްވެފައި ކުޅުދުއްފުއްޓަކީ ގައުމުގެ ފުޓްބޯޅަ ކުރިއެރުވުމަށް އެހީތެރިވާ ރަށެއްކަމުގައި ހެދުމުގެ އިތުރުން ކުޅުދުއްފުށީގެ ފުޓްބޯޅަ މުޅިން އާ ހަރުފަތަކަށް ގެންދިއުމާއި ޒުވާނުން ކުށުގެ ވެށިން ދުރުކޮށް އަށުގެ އިޖްތިމާއީ ރޫހު އާލާކޮށް ދިރުވުމަށްކަމަށް ސިޓީ ކައުންސިލުން އާއްމު ކުރި އިއުލާނުގައި ބުނެފައިވެއެވެ.
މިމުބާރާތް އޮންނާނީ ކުޅުދުއްފުށީ ސިޓީ ސްޓޭޑިއަމްގެ ފުޓްބޯޅަ ދަނޑުގަ އެވެ. މުބާރާތުގައި ބައިވެރިވުމުގެ ފުރުސަތު ސިޓީ ކައުންސިލުން ދެނީ މުބާރާތުގައި ވާދަކުރުމަށް އެދި ހުށަހަޅާ ފުރަތަމަ އަށް ޓީމަށެވެ. މުބާރާތުގެ ޗެމްޕިއަން ޓީމަށް 75000 ރުފިޔާގެ ހުށަހަޅާފައިވެއެވެ.
ކުޅުދުއްފުށްޓަކީ އަބަދުވެސް ފުޓްބޯޅައިގެ ފޯރިގަދަ ރަށެކެވެ. އެ ރަށުގައި މީގެ ކުރިން ގައުމީ ފެންވަރުގެ ފުޓްބޯޅަ މުބާރާތްތައްވެސް ބާއްވާފައިވެއެވެ.
