ޝަހީމް މިހެން ވިދާޅުވެފައި މިވަނީ ފޭސްބުކް ޕޯސްޓެއް މެދުވެރިކޮށް ފާޑުކިޔާ މީހުންނަށް ރައްދުދެއްވަމުންނެވެ. ސޯޝަލް މީޑިއާގައި ބައެއް ފަރާތްތައް މިނިސްޓަރު ޝަހީމް، ހައްޖު ކިއުއިން އިތުރު ފަރާތްތަަކަށް ޖާގަ ދީފައިފައިވާކަމުގެ ތުހުމަތުކޮށްފައިވެ އެވެ.
ހައްޖު ކިއުފަޅާފައި އެއްވެސް ބަޔަކަށް ޖާގަ ނުދޭކަމަށައި ޒަމާނުއްސުރެއް އެކަން އޮންނަ އުސޫލަށް ޝަހީމް އަލިއަޅުއްވާލި އެވެ.
މިފަހަރު މިއީ ރާއްޖޭގައި އަލަށް 1000 މީހުން ނަށް ވުރެއް ގިނަ މީހުންނަށް ޖާގަ ލިބުނު ފަހަރު ކަމަށާއި އެހެން ނޫނީ ހައްޖު ކިއު އިން ޖާގަ ލިބޭލެއް މަދުކަމަށް މިނިސްޓަރު ފާހަގަކުރެއްވި އެވެ.
އެހެންނޫނީ ހައްޖު ކިއުއިން ޖާގަ އިންނަނީ 500 އާ 700 ގެ ދެމުދުގެ މީހުންނަށް ކަމަށާއި، ބައެެއް ފަހަރު 800 ލިބޭ ފަހަރުވެސް އަންނަ ކަމަށް މިނސްޓަރު ވިދާޅުވިއެވެ.އަދި މިއަހަރު ރާއްޖެއިން 1150 މީހުން ހައްޖަށް ދާނެކަަމަށާއި އެއީ ރައީސް މުއިއްޒުގެ އިރުޝާދުގެ ދަށުން ކުރި މަސައްކަތުގެ ހެޔޮ ނަތީޖާކަމަށް މިނިސްޓަރު ޝަހީމް ވިދާޅުވިއެވެ.
މީގެ އިތުރުން 2022 ވަނަ އަހަރު ޖުމްލަ ހައްޖަށް ދިޔައީ 458 މީހުން ކަމަށާއި، އޭގެ ކުރިން ކޮވިޑްއާ ގުޅިގެން ހައްޖަށް މީހުން ނުދާކަމަށްވެސް މިނިސްޓަރު ފާހަގަކުރެއްވި އެވެ.
ހައްޖުގެ ފުރަތަމަ ގްރޫޕް ފުރީ ނިނުނު މެއި މަހުގެ 31 ގައެވެ. ފުރަތަމަ ގްރޫޕްގައި ހިމެނެނީ 272 ހައްޖުވެރިންނާއި 26 އެހީތެރިންނެވެ. އަދި މިއަހަރު ރާއްޖޭން ސައުދީ އަރަބިއްޔާއަށް ދާ ހައްޖުވެރިންގެ 2 ވަނަ ގްރޫޕް މިމަހުގެ3 ގައި ފުރީ 384 ހައްޖާޖީންނާ އެއްކޮށެވެ.
