![](https://cnm.mv/media/images/large_171794826443Vk8G.jpeg)
އިންތިހާބު ނިމުމުގެ ކުރިން އޭނާ ވެލެއްވި އެއް ވައުދަކީ ކެމްޕޭނަށް ލިބޭ ފައިސާގެ ބާކީ ހުރި ނަމަ ހަދިޔާކުރައްވާނެ ކަމަށެވެ. އެގޮތުން ޓައިނީ ހާޓްސްއަށް 19888ރ ދެއްވި އެވެ. މިއީ އިންތިހާބެއްގައި ވާދަކުރެއްވި ބޭފުޅަކު ކެމްޕޭންގެ ބާކީ ފައިސާ މި ގޮތަށް ހަދިޔާކުރެއްވި ފުރަތަމަ ފަހަރެވެ.
އޭނާ މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ އެ ވައުދު ފުއްދަވައި، ކެމްޕެއިނަށް ކުރި ހަރަދު އޮޑިޓްކުރުމަށް ފަހު ބާކީ ހުރި ފައިސާ ޓައިނީހާޓްސްއަށް ހަދިޔާކުރައްވާފައިވާ ކަމަށެވެ.
ޓައިނީ ހާޓްސްއަކީ ރާއްޖޭގައި ހިލޭ ސާބަހަށް މަސައްކަތްކުރާ، ހިތުގެ ބަލިތައް ހުންނަ ކުޑަކުދިންނަށް އެހީވުމަށް މަސައްކަތްކޮށްދޭ ޖަމިއްޔާއެކެވެ.
އިދިކޮޅު އެމްޑީޕީގެ ޓިކެޓުގައި މުހައްމަދު އިބްރާހިމް ކެމްޕެއިން ފެއްޓެވީ، އާންމުންގެ އެހީއާއެކު ކެމްޕެއިން ހަރަދަށް ފައިސާ ހޯއްދަވައިގެން ބާކީވާ ފައިސާ ދިވެހި ޗެރިޓީއަކަށް ހަދިޔާ ކުރައްވާނެ ކަމަށް ވިދާޅުވެ އެވެ.
އެ އިންތިހާބުގައި ކުޑޫއަށް 582 ވޯޓު ލިބުނުއިރު، އީވާއަށް ލިބުނީ 439 ވޯޓެވެ.