މިއަހަރު ލޯނަށް އެދުމަށް ހުޅުވާލި ފުރުސަތު މިދިޔަ މާރިޗުމަހުގެ 28 ވަނަ ދުވަހަށް ހަމަވިއިރު 1709 އެޕްލިކޭޝަން ހުށައަޅާފައިވާކަމަށް މިނިސްޓްރީން ވަނީ ބުނެފައެވެ.
ހަޔަރ އެޑިއުކޭޝަން ބުނީ ލޯނަށް ޝަރުތު ހަމަވާކުދިންނަށް އެ މިނިސްޓްރީގެ ޕޯޓަލުން އެކަން އެނގޭނެކަމަށެވެ، އަދި އެޕްލިކޭޝަންގެ "ސްޓޭޓަސް" ޕޯޓަލްގައި ބަދަލުވެއްޖެކަން މެސެޖަކުން އަންގާނެކަމަށްވެސް މިނިސްޓްރީން ބުނެއެވެ. ލޯނަށް ޝަރުތު ހަމަނުވާ ދަރިވަރުން ޝަރުތު ހަމަނުވާ ސަބަބުވެސް ވެބްސައިޓުން އެ ކުއްޖަކަށް ފެންނާނެކަމަށްވެސް މިނިސްޓްރީން ބުނެއެވެ.
ޝަރުތު ހަމަވާ ހުރިހާ ކުދިންނަށް ސްޓޫޑެންޓް ލޯނު ދިނުމަށް ސަރުކާރުން ނިންމާ އެކަން ވަނީ އިއުލާންކޮށްފައެވެ.
މި ފަހަރު ލޯނަށް އެދުމަށް ހުޅުވާލި 500 ފުރުސަތުގައި އަލަށް ކިޔަވަން ދިއުމަށް ބޭނުންވާ ދަރިވަރުންނާއި މިހާރު ކިޔަވަމުންދާ ދަރިވަރުންނަށް ވެސް ލޯނަށް އެދުމުގެ ފުރުސަތު ދިނެވެ.
