ޖަޕާނުން ހަދިޔާކުރި އުޅަނދުތައް ރަށްރަށުގެ ކައުންސިލްތަކާއި ހަވާލުކުރުމަށް ބޭއްވި ރަސްމިއްޔާތުގެ ތެރެއިން
ޖަޕާނުން 30 ރަށަކަށް ކުނި އުފުލާ ލޮރީ ދީފި
މުހައްމަދު އާދަމް އަހްމަދު
12 ޖޫން 2024 - 23:48:08
ޖަޕާނު ސަރުކާރުން ރާއްޖޭގެ 30 ރަށަކަށް ކުނި އުފުލާ އުޅަނދުތައް ހަދިޔާކޮށްފި އެވެ.
Advertisement
ޖަޕާނުން ހަދިޔާކުރި އުޅަނދުތައް ރަށްރަށުގެ ކައުންސިލްތަކާއި ހަވާލުކުރީ މިއަދު އެކަމަށް ބޭއްވި ހާއްސަ ރަސްމިއްޔާތެއްގަ އެވެ.
މި ރަސްމިއްޔާތުގައި ތިމާވައްޓާއި ބެހޭ ވަޒީރު ތާރިގު އިބްރާހިމާއި ޖަޕާނުންން ރާއްޖެއަށް ކަނޑައަޅުއްވާފައި ހުންނަވާ ސަފީރު ޓަކޭޗީ މިޑޯރީ އާއި ވެމްކޯގެ މެނޭޖިން ޑިރެކްޓަރ މުޖުތަބާ ޖަލީލު ބައިވެރިވި އެވެ.
މި ވެހިކަލްތައް ހަވާލުކުރުމަށް ބޭއްވި ރަސްމިއްޔާތުގައި ވާހަކަ ދައްކަވަމުން ވަޒީރު ތާރިގު ވިދާޅުވީ ވެހިކަލްތައް ދިނުމުގެ އިތުރުން ކުނި މެނޭޖުކުރުމުގެ މަސައްކަތަށް މީހުން ތަމްރީން ކުރާނެކަމަށެވެ. އަދި މި ތަކެތި ރަށްތަކާއި ރިސޯޓްތަކަށް ފޮނުވަނީ ރައްކާތެރި ގޮތުގައި ކުނި ނަތްތާލަންކަންވެސް ވަޒީރު ފާހަގަކުރެއްވި އެވެ.
ވެމްކޯގެ ކުނި ނެގުމުގެ މަސައްކަތުގައި ޕްލާސްޓިކް ކުންޏަށް ހާއްސަ އުޅަނދުތަކެއް ދާދިފަހުން ވަނީ ބޭނުންކުރަން ފަށާފަ އެވެ.
މި އުޅަނދުތައް ހަދިޔާކުރީ ޔުނައިޓެޑް ނޭޝަންސް ޑިވެލޮޕްމަންޓް ޕްރޮގްރާމް (ޔޫއެންޑީޕީ)އިންނެވެ. އެކަމަށް ބޭނުންވާ މާލީ އެހީތެރިކަން ފޯރުކޮށްދެނީ ކޮކާ،ކޯލާ ފައުންޑޭޝަން (ޓީސީސީއެފް) އެވެ.
ވެމްކޯގެ ފްލީޓަށް އިތުރުކުރި މި އުޅަނދުތަކުގެ ތެރޭގައި 6 އުޅަނދު ހިމެނެއެވެ. އޭގެތެރޭގައި އިލެކްޓިރިކަލް ދެ ވެހިކަލްވެސް ހިމެނެ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
