ވެހިކަލްތަކުގައި ސްޓިކާ ނުޖަހާން ސަރުކާރުން ނިންމުން ގަވައިދާ ހިލާފަށް ޕާކުކުރުމުގެ މައްސަލަ މާލޭ ސަރަހައްދުގައި ވަނީ އިންތިހާއަށް ބޮޑުވެފައެވެ. މަގުގެ ދެފަރާތުގައި ޕާކުކުރުމާއި ދުވާރުމަތީ ޕާކުކުރުމުގެ މައްސަލަ ވަނީ ބޮޑުވެފައެވެ.
ދުވާރުމަތީ ޕާކުކުރުން ހުއްޓުވުމަށް އެންމެ ފަހުން މާލޭ ސިޓީ ކައުންސިލުން މިވަނީ ނުކުމެފައެވެ. މާލޭ މޭޔަރު އާދަމް އާޒިމް ވިދާޅުވީ ދުވާރުމަތީ ޕާކުރުން ހުއްޓުވުމަށްް މާލޭގެ އެކި ހިސާބުތަކުގައި ޕާކު ނުކުރެވޭ ގޮތަށް ދަނގަޑު ހޮޅި ޖަހަމުން އަންނަކަމަށެވެ. އަދި މިކަން ކުރާނީ ހިނގާ މިހުންނާއި ދުއްވާ މީހުނަށް އުނދަހޫ ނުވާގޮތަށް ކަމަށްް މޭޔަރު ވިދާޅުވިއެވެ.
ކައުސިލުން ބުނީ ލިލީމަގު، ސަލްޓަންޕާކު ފަޅި ދުވާރުމަތީ ވެހިކަލް ޕާކު ކުރުން ހުއްޓުވުމުގެ ގޮތުން، ދުވާރުމަތީ ބޮލާޑް ޖަހަމުން އަންނަކަމަށެވެ. އަދި ލޮނުޒިޔާރަތްމަގުގައިވެސް ބޮލާޑް ޖެހަމުން އަންނަކަމަށްް ކައުންސިލުން ބުނެއެވެ.
މާލޭގައި ޕާކުކުރުމުގައި ހަމައެއް ލަމައެއް މިހާރު ނެތުމުން އެކަމުގައި ޝަކުވާ ގިނަ ބަޔަކު އަންނަނީ ކުރަމުންނެވެ.
