މިއަދު އައިޖީއެމްއެޗް އިން ނެރުނު ކުރު ބަޔާނެއްގައި ބުނީ އީދުގެ މުނާސަބަތާ ގުޅިގެން ފާހަގަކޮށްފައިވާ ދުވަސްތަކުގައި ހިދުމަތްދޭ ގަޑިތަަކަށް ބަދަލު ގެެނެސްފައިވާކަަމަށެވެ. އެގޮތުން އައިޖީއެމްއެޗް ގްރޫޕް އޮފް ހޮސްޕިޓަލްސްގެ އައިޕީޑީ، އެމާޖެންސީ ހިދުމަތްތައް ފިޔަވައި ސްޕެޝަލިސްޓް އޯޕީޑީ އަދި އެހެން ކްލިނިކަލް ހިދުމަތްތައް އެ ދުވަސްތަކުގައި ބަންދުވާނެކަމަށް ސަރުކާރުގެ މައި ހޮސްޕިޓަލް އައިޖީއެމްއެޗްއިން ބުނެ އެވެ.
އައިޖީއެމްއެޗްއިން ފާހަގަކޮށްފައިވާ މި ހިދުމަތްތައް ބަންދުވާ ދުވަސްތައް:
- މިއަދު، 15 ޖޫން، ހައްޖު ދުވަސް
- 16 ޖޫން، އީދު ދުވަސް
- 19، 20 ޖޫން އަލްހާ އީދު ދުވަހުގެ މުނާސަބަތުގައި
މީގެ އިތުރުން މި ޖޫން މަހުގެ 17، 18 އަދި 22ގައި އެހެން ދުވަސްތަކެކޭ އެއްފަދައިން ހޮސްޕިޓަލުގެ ސްޕެޝަލިސްޓް އޯޕީޑީ އަދި އެހެނިހެން ކްލިނިކަލް ހިދުމަތްތައް ކުރިއަށްދާނެކަމަށް އައިޖީއެމްއެޗްއިން މައުލޫމާތުދެ އެވެ.
މިއަހަރު ބޮޑު އީދުގެ ޗުއްޓީ އިއްޔެ ވަނީ ފެށިފަ އެވެ. އީދަށް ފަހު ރަސްމީކޮށް ސަރުކާރު ހުޅުވޭނީ މިމަހުގެ 23 ގައެވެ.
