މޯލްޑިވިއަނުން ބުނިގޮތުގައި ހާއްސަ ރޭޓުތަކުގައި މޯލްޑިވިއަން ދަތުރުކުރާ ގިނަ މަންޒިލްތަކަކަށް ޓިކެޓް ލިބޭނެއެވެ.
އެ އެއާލައިނުން ބުނީ އަޟްހާ އީދާ ދިމާކޮށް މިފަދަ ޕްރޮމޯޝަނެއް ފެށީ އާންމުންނަށް ވީހާ ވެސް ފަސޭހަކަމާއެކު، ރާއްޖޭގެ އެކި ރަށްތަކަށް ދަތުރު ކުރެވޭނެ ގޮތް ފަހިކޮށްދިނުމަށެވެ.
މޯލްޑިވިއަނުން ބުނީ މި ފެއާ ރޭޓުތައް ލިބޭނީ ލިމިޓެޑު އަދަދަކަށްކަމަށެވެ. އެހެންވެ، ވީހާ ވެސް އަވަހަށް ޓިކެޓް ބުކިން ހަމަޖެއްސުމަށް އެދިފައިވެއެވެ.
މި ޕްރޮމޯޝަންގައި މޯލްޑިވިއަންގެ ބޯޓުތައް އާންމުކޮށް ދަތުރުކުރާ ރަށްރަށަށް ޓިކެޓް ލިބެ އެވެ. ޕްރޮމޯޝަންގައި ޓިކެޓުގެ އަގު އުޅެނީ 750 ރުފިޔާއާއި 1200 ރުފިޔާއާއި ދޭތެެރޭ ގައެވެ.
ޕްރޮމޯޝަންގައި ޓިކެޓުގެ އަގުތައް:
- ދަރަވަންދޫއިން މާލެއަށް: 749 ރުފިޔާ
- ކައްދޫއިން މާލެއަށް: 1055 ރުފިޔާ
- މަޑިވަރުން މާލެއަށް: 949 ރުފިޔާ
- މާފަރުން މާލެއަށް: 999 ރުފިޔާ
- އިފުރުން މާލެއަށް: 999 ރުފިޔާ
- ފުނަދޫއިން މާލެއަށް: 1055 ރުފިޔާ
- ކޫޑުޢިން މާލެއަށް: 1111 ރުފިޔާ
- ހަނިމާދޫޢިން މާލެއަށް: 1111 ރުފިޔާ
- ތިމަރަފުށިން މާލެއަށް: 1111 ރުފިޔާ
- ފުވައްމުލަކުން މާލެއަށް: 1155 ރުފިޔާ
- ކާޑެއްދޫއިން މާލެއަށް: 1333 ރުފިޔާ
- މާވަރުލުން މާލެއަށް: 1133 ރުފިޔާ
- ހޯރަފުށިން މާލެއަށް: 1133 ރުފިޔާ
- ފަރެސްމާތޮޑާއިން މާލެއަށް: 1133 ރުފިޔާ
- ގަމުން މާލެއަށް: 1222 ރުފިޔާ
މި ޕްރޮމޯޝަން ކުރިއަށްދާނީ މި މަހުގެ 13 އިން 16 އަށް އަތޮޅުތަކުން މާލެ ދަތުރުކުރާ މީހުންނަށާއި، މިމަހުގެ 17 އިން 24 އަށް މާލެއިން އަތޮޅުތަކަށް ދަތުކުރާ މީހުންނަށެވެ.
ކޮންމެ އީދަކާ ދިމާކޮށް ވެސް މޯލްޑިވިއަންގެ ދަތުރުތަކަށް ވަރަށް ބޮޑަށް ބާރު ބޮޑުވެ އެވެ. މި ފަހަރު ވެސް ވަނީ އީދަށް ހާއްސަކޮށް 100 އަށް ވުރެ ގިނަ ދަތުރު އިތުރު ކޮށްފަ އެވެ.
މިއަހަރު ބޮޑު އީދުގެ ޗުއްޓީ އިއްޔެ ވަނީ ފެށިފަ އެވެ. އީދަށް ފަހު ރަސްމީކޮށް ސަރުކާރު ހުޅުވޭނީ މިމަހުގެ 23 ގައެވެ.
