މުޖުތަމައުގެ ތެރޭގައި އީދުގެ އުފާވެރި ރޫހު އާލާކުރުމުގެ ގޮތުން މިދިޔަ އަހަރު ދިރާގުން ފެށި މި ހަރަކާތް މި އަހަރު ކުރިއަށް ދާނީ ހުޅުމާލެ، މާލެ އަދި ވިލިމާލެގައެވެ.
ހުޅުމާލޭގައި އީދު ބޮނޑިބަތް ހަރަކާތް ބާއްވުމަށް ހަމަޖެހިފައިވަނީ ހޮސްޓިން ޕާޓްނަރުގެ ގޮތުގައި ހުޅުމާލެ ޑިވެލޮޕްމެންޓް ކޯޕަރޭޝަން (އެޗް.ޑީ.ސީ) އާ ގުޅިގެންނެވެ. މާލެ އާއި ވިލިމާލޭގައި އީދު ބޮނޑިބަތް ކުރިއަށްދާނީ މާލެ ސިޓީ ކައުންސިލާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީ (ޑަބްލިއުޑީސީ) އާ ގުޅިގެން ކަަމަށް ދިރާގުން ބުނެ އެވެ. އަދި މިއީ ދިރާގު އީދު ބޮނޑިބަތް ވިލިމާލޭގައި ބާއްވާ ފުރަތަމަ ފަހަރުކަމަަށްވެސް ދިރާގުން ފާހަގކުރެ އެވެ.
ދިރާގު އީދު ބޮނޑިބަތް ހަރަކާތް ކުރިއަށް ދާނީ އީދު ނަމާދަށް ފަހު ހެނދުނު 7:30 ގައި:
- މާފަންނު ސްޓޭޑިއަމް، މާލެ
- ފުޓުބޯޅަ ދަނޑު، މާލެ
- ސިންތެޓިކް ޓްރެކް، ހުޅުމާލެ ފޭސް 1
ދިރާގުން އަބަދުވެސް މަސައްކަތް ކުރަމުންދަނީ މުޖުތަމައު ތެރޭގައި އެއްބައިވަންތަކަމުގަ ރޫހު އާލާކޮށްދޭފަދަ ސަގާފީ އާދަކާދަތައް ދިރުވައި އާލާކުރުމަށެވެ.
