ހައްޖުގެ މަނާސިކުތައް ނިމުމާއިއެކު ރޭ ފަތިހު މީޑިއާތަކަށް ފޮނުއްވި މެސެޖެއްގައި ވަޒީރު ޝަހީމް މުޅިންހެންވެސް ފާހަގަކޮށްފައިވަނީ މިއަހަރު ދިވެހި ހާޖީން އަދާކުރި ހައްޖުގެ އިންތިޒާމުތަކުގެ ފުރިހަމަކަމާއި ކާމިޔާބުކަމެވެ.
ދިވެހި ހާޖީންނަށް މިނާގައި މިއަހަރު ދިން ދިވެހި ކެއުން
ހައްޖުގެ ކާމިޔާބީގެ ގޮތުގައި ވަޒީރު އެެންމެ ފުރަތަމަވެސް ފާާހަގަކުރީ ފެންވަރު ރަނގަޅު ކާނާ ދިވެހި ހާޖީންނަށްް ފޯރުކޮށްދިނުމެވެ. ޝަހީމް މިކަން ފާހަގަކުރެއްވިއިރު މީ މީގެ ކުރިންވެސް މިކަން ކުރަމުން އައިގޮތެވެ. ހައްޖުވެރިން މައްކާގައިި އަދި ހައްޖުގެ މަނާސިކުތައް އަދާކުރުމަށް މިނާގައި ތިބޭ ދުވަސްވަރުވެސް ދިވެހިންނަށްް ދިވެެހި ރަހަތައް ހިމަނާ ހައްޖު ގުރޫޕްތަކުން މީގެެކުރިންވެސް އަައީ ކާންދެމުންނެވެ.
މިިދިޔަ އަހަރުގައި ހައްޖުގައި އަމިއްލަ ޖަމާއަތަކުން ހައްޖަށްް ދިޔަ ދިވެހި ހައްޖުވެރިން މިނާގައި ދިވެހި ރަހަތަކާއިއެކު ހެނދުނުގެ ސައިގެ ވަގުތުގައި
ވަޒީރު ވިދާޅުވީ ބަލި މީހުންނަށް އެންމެ މަތީ ދަރަޖައިގައި އެހީތެރިކަން ފޯރުކޮށްދިންކަމަށެވެ. އެގޮތުން ޑައިލެލިސް ހަދާ ފަރާތަކާއި، ކެންސަރު ފަރުވާ ހޯދަމުންދިޔަ މީހުންނާއި ހިތުގެ ބަލި ހުންނަ ބައެއް މީހުން ހާޖީންގެ ތެރޭގައި ތިބިކަން ފާހަގަކޮށް އެ އެންމެނަށްވެސް އޯގާތެރިކަން ފޯރުކޮށްދިންކަަމަށް ޝަހީމް ވިދާޅުވިއެވެ. އަދި އެޑްމިޓްކުރެވުނު ހާޖީންނަށްް މަތީ ދަރަޖައިގައި އެހީ ފޯރުކޮށްދިންކަންވެސް ވަޒީރު ފާހަގަކުރިއެވެ. މީގެކުރީގެ ހައްޖުތަކުގައިވެސް ހައްޖު ކޯޕަރޭޝަނުން ވަނީ ދިވެހި ފެންވަރު ރަނގަޅު ޑޮކްޓަރުން ގެންގޮސް ހައްޖުވެރިންނަށް ސިއްހީ ފަރުވާދީފައެވެ. އަދި ސައުދީ ހައްޖުގެ ކަންކަން ކޮންމެ އަހަރަކުވެސް އިންތިޒާމުކޮށްްފައި އޮންނަނީ ހައްޖު ދުވަސްވަރު އެއްވެސް ހާޖީއެއް ބަލިވެ އެޑްމިޓްކޮށް ފަރުވާ ދޭން ޖެހިއްޖެނަމަ އެ ހާޖީއަކު ފަރުވާއަށް ފަހު ދޫކޮށްލަންދެން އޭނާގެ ހުރިހާކަމެއް ބަލަހައްޓާނީ ސައުދީ ސަރުކާރުންނެވެ.
މިއަހަރުގެ ހައްޖުގައި ބައިވެރިވި ބައެއް ބަލިލީހުން އަޅުކަން އަދާކުރުމަށް އެކި ތަންތަނަށް އުފުލުމުގައި ސައުދީ ޓީމުތަކުން މަސައްކަތް ކުރަނީ
އަރަފާތަށް ނުވަދެވޭ އެކަކު ވެސް ނެތްކަމާއި ބަލި މީހުން ވެސް އަރަފަރާތަށް ގެންދެވުނުކަން ވަޒީރު ޝަހީމް ފާހަގަކުރިއިރު މީވެސް މިކަން ހަމަ ކުރިން ކުރަމުން އަންނަ ގޮތެވެ. ފަހުގެ ތާރީހެއްގައި ދިވެހި ހާޖީއަކަށް އަރަފާތަށް ނުވަދެވި ހައްޖު ނުލިބިފައެއް ނުވެއެވެ. އަދި އެޑްމިޓްްކުރެވިފައިވާ ބަލި މީހުން އަރަފާތައް އުފުލުމުގެ އިންތިޒާމުތައް ހަމަޖައްސަމުން އަންނަނީ ސައުދީ ސަރުކާރުންނެވެ.
ދިވހި ހައްޖާޖީންގެ ބަޔަކު މިނާގައި ހުރި ކުޑަ ފިހާރައަކުން ތަކެތި ގަނަގެން މަގުމަތީގައި ކަނީ
ވަޒީރު ޝަހީމްް ވިދާޅުވީ މަގު އޮޅުނު 100 އެއް ހާ ހާޖީން ޑިވައިޒްގެ އެހީގައި ލޮކޭޓްކޮށްގެން އެެމީހުން ހޯދިކަމަށެވެ. ގެއްލޭ މީހުން ހޯދުމަށް ވަކި ޑިވައިޒެއް ކޯޕަރޭޝަނުން ތައާރަފުކުރީ މިދިޔަ 1444 ވަނަ އަހަރުގެ ހައްޖުގެއެވެ. އަދި މިދިޔަ އަހަރުވެސް މަގު އޮޅުނު ހައްޖުވެރިން ވަނީ އެ ޑިވައިޒް ބޭނުންކޮށް ކޯޕަރޭޝަނުން ހޯދާފައެވެ.
އަރަފާތުގެ ފޭލިގޭގެ އިންތިޒާމްތައް ފުރިހަމަ ނަމަވެސް މިނާގެ ފޭލިގޭގެ ތާށިކަމެއް ހުރިކަން ޝަހީމް ވަނީ ފާހަގަކޮށްފައެވެ. އަދި އެކަން މެދުވެރިވި ސަބަބުތައް ބަލައި ކުރިއަށް އޮތްތަނުގައި ރަނގަޅުކުރަން އަޅަންޖެހޭ ފިޔަވަޅުތައް އަޅާނެކަމަށްވެސް އޭނާ ވިދާޅުވިއެވެ.
ދިވެހި ހައްޖާޖީން މިނާ ޓެންޓްގައި މަޑުކޮށްްލައިގެން
މިއަހަރުގެ ހައްޖުގައި ދިވެހި 1150 ހާޖީއަކު ވަނީ ބައިވެރިވަފައެވެ. އޭގެތެރޭގައި ހިމެނޭ ރަސްމީ ކޯޓާގެ ދަށުން ހައްޖަށް ދިޔަ 1000 މީހުންނާއި ސައުދީ ސަރުކާރުން އިތުރަށްް ދިން 150 ގެ ކޯޓާގައި ހައްޖަށް ދިޔަ މީހުންނެވެ. މި އަހަރުގެ ދިވެހި ހުރިހާ ހައްޖުވެރިންވެސް ހައްޖަށް ގެންދިޔައީ ހައްޖު ކޯޕަރޭޝަންގެ ބެލުމުގެ ދަށުގައެވެ.
