މިއަދު ކޮޗިނުން ރާއްޖެ އަންނަން ތިބި ދިވެހިން އެއާޕޯޓްގައި މި ތާށިވީ ވެލާނާ އިންޓަނޭޝަނަލް އެއާޕޯޓް (ވީއައިއޭ) އިން ފުރައިގެން އިންޑިއާއަށް އިއްޔެ ދަތުރު ފެށި މޯލްޑިވިއަންގެ މަތިންބޯޓެއް ޓެކްނިކަލް މައްސަލައެއް ދިމާވެގެން އަނބުރާ ޖައްސާ ގްރައުންޑުކުރުމުންނެވެ.
މި ބޯޓަށް ކޮޗިންނަށް ނުދެވުމުން އެ ގައުމަށް ދިޔައީ މޯލްޑިވިއަންގެ ކުޑަ ބޯޓެކެވެ. އެހެންނަކަމުން މިއަދު ކޮޗިންނުން ރާއްޖެ އަންނަ ތިބި މީހުން ވަނީ ދެ ބޯޓަކަށް ބަހާލާފައެވެ. އެހެންވެ އެއް ބަޔަކު ވަނީ އެއާޕޯޓްގައި ތާށިވެފައެވެ.
އެނގިފައިވާ ގޮތުގައި ރާއްޖެ ނާދެވި މިވަތުތު ކޮޗިން އެއާޕޯޓްގައި 50 ވުރެ ގިނަ ދިވެހިން އެބަ ތިއްބެވެ. އަދި މީ މީހުން ފުރޭނޭ ސީދާ ވަގުތެއް ނޭގޭކަމަށްް އެއާޕޯޓްގައި ތިބި ދިވެހިމް ބުނެއެވެ. އަދި މިކަމުގައި މޯލްޑިވިއަނުން އެއްވެސް ޖަވާބެއް ނުލިބޭކަމަށްވެސް އެމީހުން އަންނަނީ ބުނަމުންނެވެ.
ދަތުރު ފެށިފަހުން ޓެކްނިކަލް މައްސަލައެއއް ދިމާވެގެން އަނބުރާ ރާއްޖެ ޖެއްސީ މޯލްޑިވިއަންގެ އެއާބަސް A320 އެވެ. އެއީ ފްލައިޓު Q2700 ގައި އިންޑިއާގެ ޓްރިވެންޑްރަމަށް ދަތުރުކުރި ފްލައިޓެކެވެ.އެހެންނަމަވެސް ދިމާވި މައްސަލާގެ ތަފްސީލެއް މޯލްޑިވިއަނުން ހާމަކޮށްފައެއް ނުވެއެވެ.
