މިއަދު ބޭއްވި 20 ވަނަ މަޖިލީހުގެ 5 ވަަނަ ޖަލްސާގައި ހެންވޭރު ދެކުނު ދާއިރާގެ މެންބަރު ހުސެއިން އިމްރާން ލަތީފް ހުށަހެޅުއްވި ސިއްހަތާ ބެހޭ ބިލާ ގުޅޭގޮތުން އަނާރާ ވިދާޅުވީ ރާއްޖޭގެ ރަށްތަށުންވެސް، ސިއްހަތައް ގެއްލުންހުރި އެތައް ކަމެއް ރައްޔިތުންގެ ފަރާތުން ކުރަމުންދާތަން ފެންނަމުންދާ ކަމަށެވެ. އެގޮތުން ދުންފަތުގެ އިސްތިމާލުކުރުން މައިގަނޑު ކަމަކަށް ފާހަގަކުރައްވާ އަދި އިތުރު ކަމެއްގެގޮތުން ދަނޑުވެރިކަން ކުރާއިރު ސިއްހަަތައް ގެއްލުން ހުރި ތަފާތު މާއްދާތައް ބޭނުންކުރުންފަދަ ކަންކަން ރައްޔިތުން ކުރަމުންދާކަން އަނާރާ ފާހަގަކުރެއްވިއެވެ.
އަނާރަާ އިތުރަށް ވިދާޅުވީ ދުޅަހެޔޮ ސިއްހަަތަކީ އިންސާނާއަށް އެންމެ މުހިއްމު ބޭނުންތެރި އެންމެ މުހިއްމު އެއް ކަންތައް ކަަމަށާއި އެހެން އެއްވެސް ކަމަކަށް އިންސާނާއަށް ކުރިމަތިލެވޭނީ ހަށިގަނޑު ދުޅަހެޔޮކޮށް ހުރެގެން ކަމަށެވެ.
އަނާރާގެ ވާހަކަ ފުޅުގައި އެކަމަނާ އަރަބި ހިކުމަތްތެރި ބަހަކަށްވެސް އަލިއަޅުއްވާލި އެވެ. ވިދާޅުވީ ރާއްޖޭގެ މިހާރުގެ މުޖްތަމައަަށް ބަލާއިރުގައި "ރައްކާތެރިވެ ތިބުން ބޭސް ކުރުމަށްވުރެ މޮޅު" ކަމަަށެވެ.
