މިއަހަރު ރާއްޖެއިން ހައްޖަށް ދިޔަ ހަޖީން ރާއްޖެ އައުމަށް ހަމަޖެހިފައިވަނީ 4 ގްރޫޕަކަށް ބަހާލައިގެންނެވެ. އޭގެތެރެއިން 2 ވަނަ ގްރޫޕު މުއަދު އަންނަާނެެއެވެ. 352 ހާޖީން ހިމެނޭ މި ގްރޫޕު ރާއްޖެ އަންނަނީ މެންދުރު 13:55 ގައެވެ. މި ގްރޫޕް ޖިއްދާއިން ރާއްޖެއަށް ފުރީ މިއަދު ހެނދުނު ރާއްޖޭ ގަޑިން 07:30 ގައެވެ.
މިއަހަރު ރާއްޖެއިން 1150 މީހަކު ހައްޖަށް ދިޔަ އެވެ. އޭގެތެރެއިން 296 ހާޖީއަކު ވަނީ މިދިޔަ ހޯމަ ދުވަހު ރާއްޖެ އައިސްފައެވެ.
ބާކީ ތިބި ހައްޖުވެރިން އަންނަން ހަމަޖެހިފައިވާ ތާރީހުތައް
- 01 ޖުލައި
- 04 ޖުލައި
މިއަހަރު ރާއްޖެއިން ހައްޖަށް ދިޔަ އެކަކު ވަނީ މައްކާގައި ނިޔާވެފައެވެ. އަދި ހައްޖުގެ އަޅުކަން ފުރިހަމަ ކުރުމަށްފަގު ރާއްޖެ އައި އެކަކު ވަނީ މަރުވެފައެވެ. އޭނާ މަރުވެފައިވަނީ ނުރައްކާތެރި ބައްޔެއްކަމަށްވާ މެނިންގޮކޯކަލް ބަލީގައި ފަރުވާދެމުން އަންނަނިކޮށެވެ.
- އިތުރަށް ކިޔާލަން: މެނިންގޯކޮކަލް ބައްޔަކީ ކޮބާ؟
މި ބަލި ރާއްޖެއިން ފެނުމުން ހައްޖުގެ އަޅުކަން އަދާކުރުމަށްފަހު އެނބުރި އަންނަ ފަރާތްތަކަށް ހާއްސަކޮށް އައިޖީއެމްއެޗްގައި ފުލޫ ކްލިނިކެއް ވަނީ ގާއިމުކޮށްފައެވެ. މިކްލިނިކުން ޑޮކްޓަރަށް ދެއްކުމާއި ލޭގެ ސާމްޕަލް ނެގުން ކޮންމެ ދުވަހަކު ހެނދުނު 8 އިން ރޭގަނޑު 8 އަށް ލިބޭނެ ކަމަށް އައިޖީއެމްއެޗުން ބުނެއެވެ.
