ވިނަރެސް ޓަވަރުގައި އެކްސެސް ކޮންޓްރޯލް ސިސްޓަމް ހަރުކޮށް ބޭނުންކުރަން ފެށީ މިދިޔަ އާދިއްތަ ދުވަހުއެވެ.
އެޗްޑީސީން ބުނީ އެކްސެސް ހަރުކުރި ދޮރުތަކަށްް ބަޔަކު ގަސްތުގައި ގެއްލުން ދީ ހަލާކުކޮށްލާފައިވާކަމަށެވެ. އެހެންކަމުން މިއަދު ފެށިގެން އެކްސް ކޮންޓްރޯލް ސިސްޓަމްގެ ހިދުމަތް ވަގުތީ ގޮތުން މެދުކަނޑާލާފައިވާކަމަށްވެސް އެޗްޑީސީން ބުނެއެވެ.
އެކުންފުނިން އާއްމުކޮށްފައިވާ ފޮޓޯތަކުން ފެންނަނީ ގަސްތުގައި ބަޔަކު ދޮރުތައް ހަލާކުކޮށްލުމަށް މަސައްކަތް ކުރަމުންދާ މަސައްކަތެވެ.
ވިނަރެސް ޓަވަރުތަކުގައި އެކްސެސް ކޮންޓްރޯލް ސިސްޓަމް ހަރުކޮށް ކޮންމެ ފުލެޓަކަށްވެސް ވަނީ 5 ޓެގް ދޫކޮށްފައެވެ. އަދި އެކްސެސް ޓެގް ނުލިބޭ ފަރާތްތަކަށް ސަރުކާރު ބަންދު ނޫން ކޮންމެ ދުވަހެއްގެ ހެނދުނު 9:00 އިން ފެށިގެން 3:30 އަށް ވިނަރެސް 10ގެ މެނޭޖުމަންޓް އޮފީހުން ދޫކުރާނެކަންވެސް އެޗްޑީސީން ވަނީ ބުނެފައެވެ.
ޓެގާއި ހަވާލުވުމަށް ފުލެޓުގެ މެއިން އެޕްލިކޭންޓު އަންނަނަމަ އައިޑީކާޑު ގެނައުމަށާއި، ކޯ އެޕްލިކޭންޓު ދާނަމަ މެއިން އެޕްލިކެންޓުގެ އައިޑީކާޑާާއި ޓެގާ ހަވާލުވާން ދާ ފަރާތުގެ އައިޑީކާޑު ގެނައުމަށް އެޗްޑީސީން ވަނީ އެދިފަ އެވެ.
