ކާޑު ގެނައުމަށް ވަކި ގައުމަކަށް ބަރޯސާ ވުމުގެ ބަދަލުގައި މިހާރު ތުރުކީއާ އެކުވެސް އެއްބަސްވުމެއް ހަދާފައިވާކަމަށް ރައީސް ޑރ މުހައްމަދު މުއިއްޒު ވިދާޅުވީ ވެރިކަމަށް ވަޑައިގެން ޗައިނާއަށް ކުރެެއްވި ދަތުރުފުޅަށްފަހު ރާއްޖެ ވަޑައިގެން ވެލާނާ އެއާޕޯޓްގައި ހުންނަވައެވެ.
މިއަހަރުގެ ޖެނުއަރީ މަހުގެ 13 ވަނަދުވަހު ރައީސް މުއިއްޒު ވިދާޅުވީ ތުރުކީން ގެންނަ ފުށުގެ ފުރަތަމަ ޝިޕްމަންޓް ފެބްރުއަރީ މަހު ރާއްޖެއަށް އަންނާނެކަމަށެވެ.
ތުރުކީން ގެނައިކަމަށް ބުނާ ފުށް ބަސްތާއެއް
ވައްޑެގެ މި ސުވާލަށް ޖަވާބުދިނީ އެސްޓީއޯގެ މީޑިއާ އޮފިޝަލް ޔޫސުފް ޝާހުއެވެ. އޭނާ ވައްޑެގެ ޓްވީޓް ހިމަނާ ކުރި ޕޯސްޓެއްގައި ބުނީ ތުރުކީން ގެނައި ފުށުގެ ޝިޕްމަންޓް އޭޕްރީލް މަހުގެ 20 ވަނަ ދުވަހު ރާއްޖެ އައިސްފައިވާކަމަށެވެ. އަދި އެ ފުށް ކޭ ނިންމިތާވެސް އެތައް ދުވަހެއް ވެއްޖެކަމަށެވެ.
ރައީސް ޑރ. މުހައްމަދު މުއިއްޒު ޗައިނާ ކުރެއްވި ދަތުރުފުު ނިންމަވާލެއްވުމަށްފަހު ރާއްޖެ ވަޑައިގެން ނުސީދާކޮށް އިންޑިއާއަށް ވަނީ ބަހުގެ ހަމަލާތަކެއް ދެއްވާފައެވެ.
އެދުވަހު ރައީސް މުއިއްޒު ވިދާޅުވީ ފުށުގެ ޝިޕްމަންޓްގެ އިިތުރުން ހަނޑޫ އަދި ހަކުރުގެ އިތުރުން ފިޔާ، ބިސް އަދި އަލުވީގެ ޝިޕްމަންޓްތައް ގެނައުމަށް ވެސް އެކި ގައުމުތަކާއެކު އެއްބަސްވުންތަކުގައި ސޮއިކޮށްފައިވާ ކަމަށާއި އެ ޝިޕްމަންޓްތައް ވެސް އަންނާނެކަމަށެވެ.
