އެޗްޑީސީގެ ޑޭޓާބޭސް ހެކުކޮށްފި، މައްސަލަ ބަލަނީ
އަލީ މިދުހަތު
30 ޖޫން 2024 - 22:22:00
ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ޑޭޓާބޭސް ބަޔަކު ހެކްކޮށްފި އެވެ.
އެނގިފައިވާ ގޮތުގައި އެޗްޑީސީގެ ޑޭޓާބޭސް ހެކްކޮށް އެ ކުންފުނީގެ ކަސްޓަމަރުންނަށް ބަޔަކު މީހުން އަންނަނީ އޯޓީޕީ ހޯދަން މެސެޖު ކުރަމުންނެވެ.
ފުލުހުންގެ ތަރުޖަމާނު އަހުމަދު ޝިފާން ވިދާޅުވީ އެފަދަ މައްސަލައެއް ފުލުހުންގެ ސަމާލު ކަމަށް އައިސްފައިވާ ކަމަށާއި އެކަމާ ގުޅޭ ގޮތުން ބަލަން ޖެހޭ ކަންކަން ބަލަމުން އަންނަ ކަމަށެވެ.
އަދި އެ މައްސަލަ ތަހުގީގު ކުރަމުންދާ ކަމަށް ވެސް ފުލުހުން ބުންޏެވެ. މި މައްސަލާގައި އެޗްޑީސީގެ ބަހެއް މިހާތަނަށް ނުލިބެ އެވެ.
އެޗްޑީސީގެ ޑޭޓާބޭސް ހެކުކޮށް މީހުންނަށް މެސެޖު ކުރަމުންދާ މައްސަލައެއް ފެންމަތި ވެފައިވާއިރު، މީގެ ކުރިން އެޗްޑީސީގެ ނަމުގައި ތަފާތު އެކި ނަންބަރުތަކުން މީހުންނަށް މެސެޖުކޮށް މަކަރާއި ހީލަތުން ފައިސާ ހޯދާ މައްސަލަތައް ވެސް ފެންތިވެފައިވެ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް