ދައުލަތުގެ މީޑިއާގެ ޕްރޮގްރާމެއްގައި ވާހަކަދައްކަވަމުން ހީނާ ވިދާޅުވީ އައިވީއެފް ފަރުވާގެ ކަންކަން ބައްޓަންވެފައި އޮންނަނީ މިހާރުގެ ޝަރުތު ހަަމަޖެހުނު ފަރާތްތަކުގެ ތެރޭގައިވެސް މިވަގުތު ފަރުވާ ހޯދަމުންދާ ފަރާތްތަށް ކަމަށެވެ. އައިވީއެފްގެ ފަރުވާގެ ނިޒާމްގެ ތެރެއިން 3 ސައިކަލްއަކަށް އާސަންދާގެ ތެރެއިން އެހީ ފޯރުކޮށްދެވެގިގެންދާނެކަމަށް ހީނާ ވިދާޅުވި އެވެ.
މިއަހަރުގައި ފަރުވާއަށް ކަނޑައެޅީ 100 ދެމަފިރިނަނަށް ކަމަށާއި މިވަގުތު 37 ފަރާތަކަށް ކަނޑައެޅިކަމުގައިވިޔަސް ކުރިއަށް އޮތްތަނުގައި ދެވަނަ ބުރަށް ހުޅުވާލާނެކަމަށް ހީނާ ވިދާޅުވި އެވެ.
ހީނާ ވިދާޅުވީ އައިވިއެފްގެ ފަރުވާއަށް ރާއްޖެއިން ބޭރަށް ދާ ފަރާތްތަކަށް އަދި ރާއްޖޭގައި ވެސް އެފަރުވާ ކޮންމެވެސް ވަރަަކަށް ލިބެމުން ދިއުމާ ގުޅިގެން ފަހަކަށްއައިސް ރާއްޖެއިން މި ފަރުވާގެ އެހީ ހޯދަމުންދާދާ ފަރާތްތަކަށް ކޮންމެސް ވަރެއްގެ މާލީ އެހީއެއް އެއިރު ސަރުކާރުން ފޯރުކޮށްދެމުން ދިޔަކަަމަށެވެ. އެގޮތުން ކުރަން ޖެހޭ ހަރަދާ، އެކަމަށް ހޭދަ ކުރަން ޖެހޭ މުއްދަތާ އަދި ދެމަފިރިން އެކަމުގައި ޝާމިލްވެ ގިނަ ފަހަރު ރާއްޖެއިން ބޭރަށްގޮސް ތިބެން ޖެހޭ ތިބުމާއި، ކެއިން ބުއިމަށް ދާ ހަރަދާ، އަދި އެތަނުގެ ކުއްޔަށް ތިބެން ޖެހޭ ތބުން އެއީ ހަގީގަތުގައިވެސް ބައެއް ފަރާތްތަކަށް އަދާކުރަން ފަސޭހަ އަދަދުތަކެއް ނޫންކަމަށް ހީނާ ވިދާޅުވި އެވެ.
އެގޮތުން ރައީސުލް މުއިއްޒުގެ ވައުދުގެ ސަބަބުން ފުރަތަމަ ބުރުގައި ލިބުނު 153 އެޕްލިކޭޝަން ތެރެއިން އިވަލުއޭޓްކޮށް ނިމުނު އިރުގައި ޝަރުތުހަމަވާ، ހަމަޖެހުން ފަރާތުގެ އެޕްލިކޭޝަންގެ އަދަދަކީ 37 ކަމަށް ހީނާ ފާހަގަކުރެއްވި އެވެ. އަދި އެ 37 ބޭފުޅުންނަކީ މިއަހަރުގެ އައިވީއެފްގެ ފުރަތަަމަ ބުރުގައި ހުޅުވާލި ފުރުސަތުގެ ތެރެއިން އެންމެ ފުރަތަަމަ ޝަރުތުހަމަކޮށްފައިވާ ފަރާތަތަށްކަން ފާހަގަކުރައްވާ ހީނާ ވިދާޅުވީ އެއީ އެފަރާތަތަކަށް ލިބިގެންދިޔަ ވަަރަށް ބޮޑު ހިތްހަަމޖެހުމެއް ކަމަށާއި އަދި ވަރަށް އާ އުއްމީދެއް ކަމަށެވެ.
އައިވީއެފްގެ ފަރުވާގެ ކަންކަން ކުރިއަށް ގެންދިއުމަށް ހަމަޖެހިފައި އިންނަނީ ގިނަވެގެން މީލާދީ ދެ އަހަރު ދުވަހުގެ މުއްދަތަށް ކަމަށާއި މުއްދަތުގެ ތެރޭގައި އައިވީއެފްގެ ފަރުވާއަށް ފޯރުކޮށްދެވޭ އެހީ ކުރިއަށް ގެންދަން ޖެހޭނީ އެ ފަރުވާގެ އެކި ކާމިޔާބުން ކަމަށް ހީނާ ފާހަގަކުރެއްވި އެވެ.
މިހާރު ހުޅުވާލި ފުރުސަތުގައި ޝަރުތު ހަމަވި ފަރާތްތަކުގެތެރެއިން މިވަގުތުވެސް ރާއްޖެއިން ބޭރުގައިވެސް އަދި ރާއްޖޭގައިވެސް ފަރުވާ ހޯދަމުން ގެންދަވާ ބޭފުޅުން ތިބިކަމަށް ހީނާ ވިދާޅުވި އެވެ. އަދި އެ ޕްރޮގްރާމްގެތެރެއަށް ވަދެވޭގޮތުގެ މިސާލަކަށް ހީނާ އިޝާރާތްކުރެއްވި އެވެ.
އެންސްޕާއިން ބުނީ "އައި.ވީ.އެފް"ގެ ފަރުވާއަށް އެދޭ ފޯމު އެ އެޖެންސީގ އަދި އާސަންދަ ކައުންޓަރުން ލިބެން ހުންނާނެކަމަށެވެ. އަދި aasandha.mv އަދި nspa.gov.mv ވެބް ސަައިޓް މެދުވެރިކޮށްވެސް ލިބެން ހުންނާނެކަމަށެވެ.
މިއަހަރު އެހީ ހަމަނުޖެހޭ ފަރާތްތަކަށް، އަންނަ އަހަރު އަލުން ހުޅުވާލުމުން ކުރިމަތިލުމުގެ ފުރުސަތު އޮންނާނެކަމަށްވެސް ނޭޝަނަލް ސޯޝަލް ޕްރޮޓެކްޝަން އޭޖެންސީ (އެންސްޕާ) އިން ބުނެ އެވެ.
