މިނިސްޓަރު މިހެން މި ވިދާޅުވީ ރާއްޖެއިން ބޭރުގައި ކިޔަވަމުންދާ ދަރިވަރުނަށް ވިއްކާ ޑޮލަރުގެ އަދަދު ދަށްކުރުމުން އެކަމުގެ ކަންބޮޑުވުން ފާޅުކުރަމުންދާ ދަނޑިވަޅެއްގައެވެ.
ސަރުކާރުގެ ހަބަރުތައް ގެނެސްދިނުމަށް "ސަރުކާރު" ނަމުގައި ރައީސް އޮފީހުން ހިންގަމުން އަންނަ އޮންލައިންގައި ހަޔާ އެޑިޔުކޭޝަން މިނިސްޓަރު މާރިޔާ ވިދާޅުވީ މި ދަރިވަރުންގެ ކޯސްފީއާއި ލިވިން އެލަވަންސާއި އެހެނިހެން ހަރަދުތައް ހަމަޖެހިފައިވާ އުސޫލުން، ކަނޑައެޅިފައިވާ މުއްދަތައް ބަރާބަރަށް، ދެއްކުމަކީ މި މިނިސްޓްރީން އަބަދުމެ ކުރަމުން އަންނަކަމެއްކަމަށެވެ. ނަމަވެސް ބައެއްފަހަރު ބައެއް ޕޭމަންޓްތައް ޖަމާވުމުގައި ލަސްތަކެއްވާކަމަށް ޤަބޫލުކުރާކަމަށްވެސް މިނިސްޓަރު ވިދާޅުވިއެވެ. އަދި އެހެންވަނީ ލިޔުންތައް ނުލިބުމުންކަންވެސް މިނިސްޓަރު ވަނީ ފާހަގަކުރައްވާފައެވެ.
މި މިނިސްޓްރީން މަސައްކަތް ކުރަމުން މިދަނީ ދަރިވަރުންނަށް ފޯރުކޮށްދޭންޖެހޭ ހިދުމަތްތަށް އޮޓެމޭޓްކޮށް، ކުދިން ކިޔަވަމުންދާކަން ވެރިފައިކުރަން އޮންނަ ޕްރޮސެސް، މިއަށްވުރެ ހަލުވިކޮށް، އެކުދިންނަށް ދެވޭ ހިދުމަތުގެ އެފިޝެންސީ އިތުރުކުރެވޭނެ ގޮތްތަށް ހޯދަމުންކަމަށްވެސް ހަޔާ އެޑިއުކޭޝަން މިނިސްޓްރީން ބުނެއެވެ.
ކިޔަވާ ކުދިންނަށް ވިއްކާ ޑޮލަރުގެ އަދަދަށް ބޮޑު ބަދަލެއް
ދަރިން ބިނާކުރުމުގެ މި ފަދަ ޤައުމީ އަދި މުހިއްމު މަސައްކަތަކާއި ގުޅުވައިގެން، ޙަޤީޤަތް އޮޅޭފަދަ ގޮތަކަށް، ރާއްޖޭގެ ބައެއް މީޑިއާތަކުން ޚަބަރުތައް ގެނެސްދިނުމަކީ އެކަމާ ކަންބޮޑުވެ، ހިތާމަ ކުރާކަމެެއްކަމަށްވެސް ހަޔާ އެޑިއުކޭޝަން މިނިސްޓްރީން ބުނެއެވެ. .އަދި ދަރިވަރުންގެ ކަންކަމާއި ގުޅުވައިގެން އާންމުންގެ ހިތްތަކުގައި ނުތަނަވަސްކަން އުފެދޭގޮތަށް، ހަބަރު ފަތުރާ ވަސީލަތްތަކުން އަމަލު ނުކުރުމަށާއި ހަޤީޤަތް އޮޅޭގޮތަށް ގެނެސްދެވޭ ހަބަރަކުން، ކުރާނެ މަންފާއެއް ނޯންނާނެކަމަށްވެސް ހަޔާ އެޑިއުކޭޗަން މިނިސްޓްރީން ބުނެއެވެ.
ސަރުކާރުން އެހީ ފޯރުކޮށްދީގެން، ރާއްޖެ އާއި ރާއްޖޭން ބޭރުގައި 2163 ދަރިވަރަކު މި ވަގުތު ކިޔަވަމުން އެބަދެއެވެ.
