ފުލުހުން ބުނީ ވިޔަފާރުިވެރިންގެ މިސްކިތުގައި ހުރި ފެން ކޭސްތަކެއް ބަޔަކު ވަގަށް ނެގި މައްސަލަ އިއްޔެ އެ އިދާރާއަށް ހުށައަޅާފައިވާކަމަށެވެ. އެހެންނަމަވެސް މި މައްސަލާގައި މިހާތަނަށް މީހަކު ހައްޔަރުކޮށްފައި ނުވާކަމަށް ފުލުހުން ބުނެއެވެ.
އެ މިސްކިތުން ވަގަށް ގެންދިޔައީ ކިތައް ކޭސް ފެންކަމެއް ފުލުހުން ނުބުނެއެވެ.
ފަހަކަށް އައިސް މިސްކިތްތަކުން ވައްކަން ކުރުން ވަނީ އާއްމުއްވެފައެވެ. މިސްކިތްތަކުގައި ހުންނަ ފަންކާތައް ވަގަށް ނެގުން އިތުރުވެ 20 ދުވަހުގެ ތެރޭގައި އެއް މިސްކިތަކުން 10 ފަންކާ ވަގަށް ގެންދިޔަ މައްސަލައެއްވެސް ސިިޓީ ކައުންސިލުން ވަނީ ފުލުހުންނަށް ހުށައަޅާފައެވެ.
ދާދިފަހުން މީޑިއާއަށް މައުލާތު ދެއްވަމުން ހޯމް މިނިސްޓަރު އަލީ އިހްސާން ވިދާޅުވީ މާލޭގައި އާއްމުކޮށް ވައްކަން ކުރާ 46 މީހަކު އުޅެމުން އަންނަކަމަށެވެ. އަދި އެމީހުން ހައްޔަރުކުރުމަށްް މަސައްކަތް ކުރަމުންދާކަމަށް އިހްސާން ވަނީ ވިދާޅުވެފައެވެ.
