މިއީ މެއި 2020 ގައި އޮއްވަޅު ކިޔާ ފޭސްބުކް ޕޭޖަކުން އަމީރުއާ ގުޅޭގޮތުން އާންމުކުރި ލިޔުންތަކަކާ އޭސީސީގެ މުވައްޒަފަކާ ގުޅުން އޮތް ކަމަށް ބުނެ، އެ ކޮމިޝަންގެ އިންޓެލިޖެންސް ޔުނިޓްގެ އެ މުވައްޒަފަށް އިސްލާހީ ފިޔަވަޅު އެޅި މައްސަލަ އެވެ. އެ މައްސަލައިގައި، ފިޔަވަޅު އެޅުމުގެ ގޮތުން އޭނާ އެ ކޮމިޝަނުގެ އެހެން ޔުނިޓަކަށް ބަދަލު ކުރިއެވެ.
އެ މައްސަލާގައި ވަޒީފާއާ ބެހޭ ޓްރައިބިއުނަލުން ނިންމާފައި އޮތީ އެ މުވައްޒަފާ މެދު ފިޔަވަޅު އެޅީ ގާނޫނާ ހިލާފަށް ކަމަށް ވާތީ އެ ފިޔަވަޅު ބާތިލްކުރަން އަންގާފަ އެވެ. އެހެންނަމަވެސް އެ މައްސަލަ ހިފައިން އޭސީސީން ދިޔައީ ހައިކޯޓަށެވެ.
ހައިކޯޓުން އެ މައްސަލައިގައި ކުރި ހުކުމުގައި ވަނީ ޓްރައިބިއުނަލްގެ ނިންމުން ގޯސް ކަމަށް ބުނާ ގާނޫނީ ސަބަބެއް އޭސީސީ އަށް ހައި ކޯޓުގައި ބުނެދެވިފައި ނުވާ ކަމަށެވެ. އެހެންކަމުން ޓްރައިބިއުނަލްގެ ނިންމުމަށް ބަދަލު ގެންނަންޖެހޭ ސަބަބެއް ނެތް ކަމަށް ހުކުމުގައި ވެ އެވެ.
