![](https://cnm.mv/media/images/kakakakalalalala.jpg)
މިގޮތަށްހުންނަ ތަކެތި ފޮހުމުގެ މަސައްކަތް ދޭތެރެ ދޭތެރެއިން އަންނަނީ ކުރަމުންނެވެ.
ފުލުހުން ބުނީ މާލޭ ސިޓީ ކައުންސިލާއި ގުޅިގެން މާލޭގެ އެކި ސަރަހައްދުތަކުގައި އާންމު އިޖްތިމާއީ މިންގަނޑުތަކާ ހިލާފު ގްރެފިޓީތައް ނައްތާލުމަށް އެ އިދާރާއިން ކެމްޕެއިނެއް ފަށާފައިވާކަމަށެވެ. މި މަސައްކަތަކީ ކުށުން އެއްކިބާވެފައިވާ އަމާން މުޖުތަމަޢެއް ޤާއިމުކުރުމަށް ފުޅާ ދާއިރާއެއްގައި ކުރިއަށް ގެންދާ މަސައްކަތެއްކަމަށްވެސް ފުލުހުން ބުނެއެވެ.
ފުލުހުން ބުނީ ގޭންގް ކްރައިމް އެންފޯސްމަންޓް އިސްނަގައިގެން ކުރިއަށް ގެންދާ މި ކެމްޕެއިންގެ މަޤްސަދަކީ ޢާންމުންނަށް ބެލުމަށް، ހާއްސަކޮށް ކުޑަކުދިންނަށް ނުރަނގަޅު ކަމަށް ބެލެވޭ ލިޔުންތަކާއި ކުރެހުންތަކުން އާންމު ތަންތަން ސާފުކުރުންކަމަށެވެ. މި އޮޕަރޭޝަންގައި އަމާޒުކޮށްފައިވާ ލިޔުންތަކާއި ކުރެހުންތަކަކީ އާންމުންނަށް ނުރަނގަޅު އަދި އިޖުތިމާއީ މިންގަނޑުތަކާ ހިލާފު ލިޔުންތަކެއްކަމަށްވެސް ފުލުހުން ބުނެެއެވެ.
މި ކެމްޕޭން ކުރިއަށްދާއިރު، ދިވެހި ފުލުހުންގެ ހިދުމަތުގެ އަމާޒަކީ، ހުރިހާ ރައްޔިތުންނަށާއި، ޒިޔާރަތްކުރާ އެންމެހާ ރައްޔިތުންނަށް އަމާން، އަމާން ސިޓީއެއް ބިނާކުރުންކަމަށެވެ.