މިނިސްޓަރު މިކަން ހާމަކުރީ މިއަދު މީޑިއާ އާ ވާހަކަދައްކަވަމުންނެވެ.
ގަވައިދާ ހިލާފަށް އުޅޭ ބިދޭސީންގެ މައްސަލަ 3 އަހަރުގެ ތެރޭގައި ހައްލުކުރައްވާނެކަމަށް އިހުސާން ވިދާޅުވެފައިވާއިރު ބިދޭސީންގެ މައްސަލަ ހައްލުކުރުމަށް ގައުމީ ހަރަކާތެެއްގައި ގޮތުގައި އޮޕަރޭޝަން "ކުރަނގި" މިނިސްޓްރީން ފެށީ މިދިޔަ މޭމަހުގެ 2 ވަނަދުވަހު ހިންމަފުށީގަ އެވެ.
އިހުސާން ވިދާޅުވީ ކައުންސިލްތަކުގެ ގަވައިދު ބުނާގޮތުން ގާނޫނުން ބިދޭސީންގެ ދަފްތަރެއް ބަލަހައްޓަން އެބޭފުޅުނަށް ލާޒިމް ކުރާކަމަށެވެ. އެހެންނަމަވެސް އެކަން ބަލަހައްޓާނެ ގޮތާއި އެ ބޭފުޅުންނަށް އެ ފުރުސަތުތައް އެގޮތަށް ނުލިބެންޏާ މިނިސްޓްރީގެ އެންފޯސްކުރުމުގެ ސައިޑުން އެހީވެދޭނެކަމަށް މިނިސްޓަރު ވިދާޅުވިއެވެ. އެގޮތުން ބިދޭސީން ބަލަހައްޓާ ސިސްޓަމްގެ ތެރެއިންް ކައުންސިލްތަކަށާއި ފުލހުންނަށް އެކްސެސް ދެމުންދާކަމަށް އިހުސާން ވިދާޅުވި އެވެ.
ހިތްމަފުށީގެ އިތުރުން މާފުށީގައިވެސް އޮޕަރޭޝަން ކުރަނގި ކުރިއަށް ގެންގޮސްފައިވެ އެވެ.
ރާއްޖޭގައި ދިރިއުޅޭ ބިދޭސީންގެ މައުލޫމާތު އެއްކުރުމަށް ފަށާފައިވާ އޮޕަރޭޝަން "ކުރަނގި" ގެ ދަށުން މިހާތަނަށް 1500 އަށް ވުރެ ގިނަ ބިދޭސީންގެ އިންގިލީގެ ނިޝާން ދެނެގަނެވިފައިވާކަމަށް ހޯމް މިނިސްޓްރީން ބުނެއެވެ.
