އެޕާޓީގެ ޗެއާޕާސަން ފައްޔާޒު އިސްމާއިލް އެކްސްގައި ކުރެެއްވި ޕޯސްޓެއްގައި ވިދާޅުވީ އިޤްތިސާދީ ނުތަނަވަސްކަމުގެ މިފަދަ ދަނޑިވަޅެއްގައި ގަވަރުނަރު ހާޝިމް މަގާމުން ދުރުކުރުމަކީ ކަންބޮޑުވާ ކަމެއްކަމަށެވެ. އަދި މިފަދަ ކަންކަން ކަމުގައި މިޔަށް ވުރެ ރަނގަޅު ވިސްނުމެެއް ގެންގުޅެންޖެހޭކަމަށް ފައްޔާޒު ވިދާޅުވި އެވެ.
މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ގަވަރުނަރުކަމުން އަލީ ހާޝިމް ވަކިކުރަން ރައީސްއަށް ލަފާދޭން ފެންނަ ކަމަށް ރައްޔިތުންގެ މަޖިލިހުގެ މާލިއްޔަތު ކޮމިޓީން މިއަދު ވަނީ ފާސްކޮށްފަ އެވެ.
ކޮމެޓީން މިގޮތަށް ފާސްކޮށްފައިވަނީ މިއަދުގެ ޖަލްސާގައި ބައިވެރިވި 8 މެމްބަރުންގެ އިއްތިފާގުންނެވެ. ހާޝިމް މަގާމުން ވަކިކުރަން ހުށައެޅުއްވީ ރައްޔިތުން މަޖިލީހުގެ ނައިބު ރައީސް ދުއްގަރު ދާއިރާގެ މެމްބަރު އަހްމަދު ނާޒިމެވެ، އެ ހުށައެޅުމަށްް ތާއީދުކުރެއްވީ ފުވައްމުލަކު އުތުރު ދާއިރާގެ މެންބަރު ހަމަދު އަބްދުالله އެވެ.
- އިތުރަށް ކިޔާލުމަށް : ގަވަރުނަރު ހާޝިމް ވަކިކުރަން ފެންނަކަމަށް ކޮމެޓީން ނިންމައިފި
ކޮމެޓީގެ މި ނިންމުން ދެން ހުށައަޅާނީ މަޖިލީހުގެ ތަޅުމަށެވެ. އަދި މިކަމުގައި ގޮތެއް ނިންމާނީ މަޖިލީހުގެ ތަޅުންމުންނެވެ.
