ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވަޒީރު އާފަމް ޝަރީފު އުމަރު އެކްސްގައި ކުރެެއްވި ޕޯސްޓެއްގައި ވިދާޅުވީ ރިސާޗް ޕާޓުނަރެއްގެ ގޮތުގައި އިސްލާމިކް ޔުނިވާސިޓީ ހިމަނައިގެން ދިވެހިރާއްޖޭގެ "ހެޕީނެސް އިންޑެކްސް" އެކުލަވާލުމުގެ މަސައްކަތް ފެށުނުކަން އިޢުލާނު ކުރުމަކީ ލިބުނު ވަރަށް ބޮޑު އުފަލެއްކަމަށެވެ.
"ހެޕީނެސް އިންޑެކްސް" އެކުލަވާލުމަށް އިސްލާމިކް ޔުނިވާސިޓީގައި މިއަދު ވަނީ ވޯކްޝޮޕެއް ބާއްވާފައެވެ. މި ވޯކްޝޮޕަކީ އަގުހުރި ހިޔާލުތަކާއި ތަފާތު ނަޒަރިއްޔާތައް އެއްކޮށް، މިމަސައްކަތަށް ފުޅާ ދާއިރާއެއްގައި ވިސްނުން ގެންގުޅުމުގައި މުހިންމު ދައުރެއް އަދާކުރި ވޯކްޝޮޕެއްކަން އާދަމް ޝަރީފު ވަނީ ފާހަގަކުރައްވާފަ އެވެ.
އުފާވެރިކަމުގެ މިންގަޑު ދެނެގަތުމުގެ މަސައްކަތް ފެށުމަށް ބޭއްވި ވޯކްޝޮޕްގެ ތެރެއިން
ރާއްޖޭގެ ރަށްތަކުގައި އުފާވެރިކަން ހުރި މިންވަރު ބަލަން " ހެޕިނަސް އިންޑިކްސް" ގެ ނަމުގައި ހާއްސަ މަސައްކަތެއް ފެށިކަން ސަރުކާރުން ހާމަކުރީ މިއަހަރުގެ މޭމަހުގެ ކުރީކޮޅު އެވެ.
މި މަސައްކަތް ކުރާނީ ވަރަށް ފުޅާ ދާއިރާއެއްގައި ރާއްޖޭގެ ގިނަ ބަޔަކާ މަޝްވަރާކޮށް ވަރަށް ބޮޑަށް ހުޅުވާލައިގެން އެކުލަވާލެވޭ އޮނިގަނޑެެއްގެ ތެރެއިންކަމަށާއި މި އޮނިގަނޑު އެކުލަވާލެވޭނީ އެވޯޑްވެސް ދޭ ގޮތަށްކަމަށް އާދަމް ޝަރީފު އުމަރު ކުރިން ވަނީ ވިދާޅުވެފަ އެވެ.
ދުނިޔޭގެ އުފާވެރިކަމުގެ ދުވަސް ރާއްޖޭގައި ފުރަތަމަ ފަހަރަށް މި އަހަރު ވަނީ ފާހަގަވެސް ކޮށްފަ އެވެ. މި ދުވަސް ރަސްމީކޮށް ފާހަގަކުރަން ގައުމީ ޔުނިވާސިޓިން ވަނީ ހަރަކާތްތަކެއް ހިންގާފަ އެވެ.
