ޔޫރޯ ފުޓްބޯޅަ މުބާރާތުގައި މޮޅު ކުޅުމެއް ކުޅުނު ކަލަފިއޯރީ ޔޫރޯ ނިންމާފައި އައީ ރާއްޖެއަށެވެ. އާސެނަލްގެ ޑީލް ކުރިއަށް ދިޔައިރު، އޭނާ ހުރީ ލޯބިވެރިޔާއާއެކު ޗުއްޓީއަށް އައިސް ހުރީ ރާއްޖޭގައެވެ.

ރިޕޯޓްތައް ބުނާ ގޮތުން އާސެނަލްގެ ޕްރީ ސީޒަން ޓުއާގައި އޭނާ ބައިވެރިވާނެއެވެ. އާސެނަލްގެ ޕްރީ ސީޒަން ޓުއާ އޮތީ އެމެރިކާގައެވެ. އާސެނަލްއިން ކަލަފިއޯރީގެ ޑީލް ނިންމީ، އޭނާ ހޯދުމަށް ކުރިން ޕީއެސްޖީއާ، ޗެލްސީ އަދި ބެޔާ ލެވަކޫސަނުންވެސް ޝައުގުވެރިވެފައިނިކޮށެވެ.  

ކަލަފިއޯރީއަކީ އިޓަލީގެ ރޯމާގެ އެކަޑަމީ ގްރެޖުއޭޓެކެވެ.