ހަބީބް އެޗްއާރުސީއެމަށް އައްޔަންކުރަން ރައްޔިތުންގެ މަޖީލީހަށް ރައީސް ޑރ. މުއިއްޒު ނަން ފޮނުވީ މިމަހުގެ 15 ދުވަހުއެވެ.
ހަބީބަކީ އެޗްއާރްސީއެމްގެ މެންބަރު ކަމުގެ މަސްއޫލިއްޔަތު އަދާކުރުމަށް ގާބިލް ބޭފުޅެއް ކަމަށް ކަނޑައަޅައި، އޭނާ އެ މަގާމަށް އައްޔަންކުރަން ފެންނަ ކަމަށް ކޮމިޓީން ފާސްކުރީ މިއަދު ހާޒިރުވެ ތިއްބެވި މެންބަރުންގެ އިއްތިފާގުންނެވެ.
ހިއުމަން ރައިޓްސް ކޮމިޓީ ބައްދަލުވުމުގައި ވާހަކަ ދައްކަވަމުން އެ ކޮމިޓީގެ މުގައްރިރު، ނިލަންދޫ ދާއިރާގެ މެންބަރު ފާތިމަތު ސައުދާ ވިދާޅުވީ، ހަބީބަށް އެވްރެޖް 75 އިންސައްތައަށް ވުރެ އިތުރަށް މެންބަރުން މާކްސް ދެއްވާފައިވާ ކަމަށެވެ.
އިލެކްޝަން ކޮމިޝަންގައި ދެ ދައުރު ހަމަވެގެން ކޮމިޝަނުން ހަބީބު ވަކިވެޑައިގަތީ މިއަހަރުގެ މާރިޗު މަހުގެ 13 ވަނަދުވަހު އެވެ.
އިލެކްޝަންސް ކޮމިޝަންގެ މެމްބަރެއްގެ ގޮތުގައި ހަބީބު އެ ކޮމިޝަނަށް ފުރަތަމަ އައްޔަންކުރީ ރައީސް ޔާމިންގެ ވެރިކަމުގައި 13 މާރިޗު 2014 ގައެވެ. ދެވަނަ ދައުރަކަށް މެމްބަރެއްގެ ގޮތުގައި ހަބީބް ކޮމިޝަނަށް އައްޔަންކުރެއްވީ މިދިޔަ ރައީސް އިބްރާހިމް މުހައްމަދު ސާލިހްގެ ވެރިކަމުގައި 13 މާރިޗު 2019 ގައެވެ. ކޮމިޝަންގެ ނައިބު ރައީސްކަމުގެ މަގާމަށް ހަބީބު އައްޔަންކޮށްފައިވަނީ 25 ޖެނުއަރީ 2021 ގައެވެ.
