ލ އަތޮޅުގައި އޮޕަރޭޝަން ކުރަނގީގެ އަމަލީ މަސައްކަތް ފަށާފައިވާއިރު މިހާރު އެއަތޮޅުގެ ހުރިހާ ކައުންސިލްތަަކަކަށް ޕޯޓަލް އެކްސެސް ލިބި، ބިދޭސީންގެ ބަޔޯ މެޓްރިކްސް ނެގޭނެކަަމަށް ހޯމް މިނިސްޓްރީން ބުނެއެވެ.
"ސީއެންއެމް" އަށް މައުލޫމާތުދެއްވަމުން ހޯމް މިނިސްޓްރީގެ ޑެޕިއުޓީ މިނިސްޓަރު އަޝްރަފް ވިދާޅުވި ގޮތުގައި މިހާރު ހުންނާނީ ލ. އަތޮޅުގެ ހުރިހާ ކައުންސިލްތަކަށް ޕޯޓަލްގެ އެކްސެސް އުފައްދައި، ޕޯޓަލް ތެރެއަށް ވަދެވިފައިކަަމަށެވެ.
އަޝްރަފް ވިދާޅުވީ ރާއްޖޭގައި ހުރިހާ ކައުންސިލްތަަކަށްވެސް އެކްސެސް ދެވެން ފެށޭނެ ކަަމަށާއި ލާމު އަތޮޅުގެ ހުރިހާ ކައުންސިލްތަކަށް މިހާރު ހުރީ އެކްސެސް ޔަގީންކޮށްދީފައި ކަަމަށެވެ.
ގަވައިދާ ހިލާފަށް އުޅޭ ބިދޭސީންގެ މައްސަލަ 3 އަހަރުގެ ތެރޭގައި ހައްލުކުރައްވާނެކަމަށް އިހުސާން ވިދާޅުވެފައިވާއިރު ބިދޭސީންގެ މައްސަލަ ހައްލުކުރުމަށް ގައުމީ ހަރަކާތެެއްގައި ގޮތުގައި އޮޕަރޭޝަން "ކުރަނގި" މިނިސްޓްރީން ފެށީ މިދިޔަ މޭމަހުގެ 2 ވަނަދުވަހު ހިންމަފުށީގަ އެވެ.
