މި ޕެނަލް ޑިސްކަޝަން އޮތީ މިރޭ 21:00 ގައެވެ.
އެމްޑީޕީން ބުނީ ޕެނަލް ޑިސްކަޝަންގައި ވާހަކަ ދައްކާނީ އެޕާޓީގެ ރައީސް، ކުރީގެ ފޮރިން މިނިސްޓަރު އަބްދުﷲ ޝާހިދާއި ޕާޓީގެ ޗެއާޕާސަން ، ކުރީގެ އިކޮނޮމިކް މިނިސްޓަރު ފައްޔާޒު އިސްމާއީލާއި މިދިޔަ ސަރުކާރުގެ ފިނޭންސް މިނިސްޓަަރު އިބްރާހިމް އަމީރުއެވެ.
އެމްޑީޕީ އޮފީހުގައި އޮންނަ މި ޕެނަލް ޑިސްކަޝަން އެޕާޓީގެ އެކްސްގެ އެކައުންޓައި ފޭސްބުކް ޕޭޖުން ލައިވްކުރަން ވަނީ ހަމަޖެހިފައެވެ.
ޕީއެންސީ މިރޭ ހަރުގެ ޖަލްސާގެ ޕޯސްޓަރު
އެމްޑީޕީގެ މި ޕެނަލް ޑިސްކަޝަން މިރޭ އޮންނައިރު ވެރިކަން ކުރާ ޕީއެންސީިގެ ހަރުގެ ޖަލްސާއެއްވެސް މިރޭ އެބައޮތެވެ. ވަރަށް ފޯރިގަދަވާނެކަމަށް އެޕާޓީން ބުނާ މިރޭގެ ޖަލްސާގައި ސިޓީޒް އެންޑް ލޯކަލް ގަވަމަންޓް މިނިސްޓަރު އާދަމް ޝަރީފް އުމަރާއި، ރައްޔިތުންގެ މަޖިލީހުގެ ނައިބު ރައީސް އަހުމަދު ނާޒިމްގެ އިތުރުން އޭދަފުށީ ދާއިރާގެ މެމްބަރު އަހުމަދު ސަލީމް ވާހަކަ ދައްކަވާނެ ކަމަށް ކޮންގްރެސް ކޯލިޝަނުން ބުނެ އެވެ.
