ކަރެކްޝަނުން ކޮށްފައިވާ އިއުލާނެއްގައި ބުނެފައިވަނީ، ޕްރިޒަން އޮފިސަރުން ހޯދުމަށް ބޭނުން ވާކަމަށެވެ. އަދި މިކަމަށް ޝައުގުވެރިވާ ފަރާތްތަކުން މި ފެށޭމަހުގެ 28 ވަނަ ދުވަހުގެ ކުރިން ފޯމު ހުށައެޅުމަށް ކަރެކްޝަނުން ވަނީ އެދިފައި އެވެ.
މި ވަޒީފާގެ އަސާސީ މުސާރައިގެ ގޮތުގައި މަހަކު 15،072 ރުފިޔާ ލިބޭނެ ކަމަށާއި، އަދި މީގެ އިތުރުން ހެލްތް އިންޝުއަރަންސް ލިބޭނެ ކަމަށް އިއުލާނުގައި ބުނެފައިވެ އެވެ.
ކަރެކްޝަނުން ކޮށްފައިވާ އިއުލާނުގައި އިތުރަށް ބުނެފައިވަނީ، މި މަގާމުތަކަށް އެދޭ ފަރާތްތަކުން ވަޒީފާއަށް އެދޭ ފޯމާއި ވަނަވަރު އަދި ހުށައަޅަންޖެހޭ ލިޔެކިއުންތަކާއި އެކު 2024 އޮގަސްޓު 24 ވާ ބުދަ ދުވަހުގެ 15:00 ގެ ކުރިން [email protected] އަށް އީމެއިލް ކޮށްދެއްވުން އެދޭ ކަމަށެވެ.
ނުވަތަ ރަސްމީ ދުވަސްތަކުގައި ގާޒީ ބިލްޑިންގެ ފުރަތަމަ ފަންގިފިލާގައި ފޯމް ބަލައިގަތުމަށް ހާއްސަ ކުރެވިފައިވާ ކައުންޓަރަށް ފޯމު ހުށައެޅުމަށް އެދޭ ކަމަށެވެ.
