މި އެއްބަސްވުމުގައި ސޮއިކުރުމުގެ ރަސްމިއްޔާތު އޮތީ މިއަދު އުލިގަމު ކައުންސިލްގައެވެ. އެމްޕީއެލްގެ ފަރާތުން މި އެއްބަސްވުމުގައި ސޮއިކުރީ އެ ކުންފުނީގެ ސީއީއޯ މުހައްމަދު ވަޖީހް އިބްރާހިމެވެ. އުލިގަމު ކައުންސިލްގެ ފަރާތުން ސޮއިކުރީ އެ ކައުންސިލްގެ ރައީސް އަހްމަދު މުއާޒް މުހައްމަދެވެ.
މި އެއްބަސްވުމުގެ ދަށުން އެމްޕީއެލުން އުލިގަމުގައި ޔޮޓް މެރީނާއެއް ތަރައްޤީކުރާނެއެވެ. އަދި އެ ރަަށަށް އަންނަ ޔޮޓްތަކަށްް ބޭނުންވާ ހިދުމަތް ދިނުމަށް ބޭނުންވާ ވަސީލަތްތައް ގާއިމުކޮށްދޭންޖެހެއެވެ.
ޔޮޓް މެރީނާ ހެދުމުގެ އެއްބަސްވުމުގައި އެމްޕީއެލްއާއި އުލިގަމް ކައުންސިލުން ސޮއިކުރުމުގެ ރަސްމިއްޔާތުގެ ތެރެއިން
އެމްޕީއެލްގެ ސީއީއޯ މުހައްމަދު ވަޖީހް އިބްރާހިމް ވިދާޅުވީ މި ޔޮޓް މެރީނާގެ އަމަލީ މަސައްކަތް މިއަހަރުގެ ތެރޭގައި ފަށާނެކަމަށެވެ. އަދި މަސައްކަތް ހަ މަސްދުވަހުގެ ތެރޭގައި ނިންމާ ހިދުމަތް ދޭން ފަށާނެކަމަށްވެސް ވަޖީހު ވިދާޅުވީއެވެ.
ރާއްޖެއަށް އަންނަ ޔޮޓްތައް އެންމެ ގިނައިން ބަނދަރުކުރަމުން އަންނަ ރަށަކީ ހއ. އުލިގަމެވެ.
ހއ. އުލިގަމުގައި ޔޮޓް މެރީނާ އާއެކު ސިޓީ ހޮޓާ ތަރައްގީކޮށް ހިންގަން ބޭނުންވާ ފަރާތްތަކަށް ބިޑް ހުށަހެޅުމުގެ ފުރުސަތު މިދިޔަ ސަރުކާރުގައިވެސް ހުޅުވާލިއެވެ.
