އިންސްޓިޓިއުޓް އޮފް ޗާޓަޑް އެކައުންޓެންޓްސް އޮފް ދަ މޯލްޑިވްސް (ސީއޭ މޯލްޑިވްސް) އިން ކިރިއަށް ގެންދާ، މި ފޯރަމް އިއްޔެ ފެށިއިރު މިއަދު ހަވީރު ފޯރަމް ނިމިގެންދާނެ އެވެ. ފޯރަމްގެ ފުރަތަމަ ދުވަހު ދިރާގުގެ ސީއީއޯ އަދި އެމްޑީ، އިސްމާއިލް ރަޝީދު ވަނީ ކީނޯޓް ސްޕީޗް ދެއްވާފަ އެވެ.
ދިރާގުން ބުނެފައިވާ ގޮތުގައި ރާއްޖޭގައި ތަފާތު ސިނާއަތްތައް ތަރައްގީ ކޮށް ކުރިއެރުވުމާއި ސިނާއަތުގެ ސްޓޭކްހޯލްޑަރުންގެ ކެޕޭސިޓީ ކުރިއަރުވައި އިތުރުކުރުމަކީ ދިރާގުގެ ފޯކަސްކުރާ އެންމެ މުހިންމު އެއް އޭރިއާއެކެވެ.
ރާއްޖޭގެ މުހިންމު ދާއިރާތައް ތަރައްގީކުރުމަށް އެހީތެރިވެދޭނެ އިވެންޓްތަކާއި އިސްނެގުމަކަށް އެހީތެރިވުމަށް ދިރާގުން ދެމިއޮންނާނެ ކަމާއި، މިކަމުގެ ބޭނުމަކީ އާހިރުގައި ރާއްޖޭގައި ދިރިއުޅޭ މީހުންގެ ދިރިއުޅުން މުއްސަނދިކޮށްދިނުމަށްޓަކައި ކަމަށް ދިރާގުން ބުނެފައި ވެއެވެ.
