އެ މިނިސްޓްރީން މިރޭ ނެރުނު ބަޔާނެއްގައި ބުނީ މާލެ ސަރަހައްދާއި އަދި ރާއްޖޭގެ އެކި ރަށްރުގައި ތަރައްޤީކޮށްފައިވާ ހައުސިން ޔުނިޓްތަަކަށް މަހުން މަހަށް ދައްކަންޖެހޭ ފައިސާ ގިނަ ފަރާތްތަކުން ދައްކަމުން ނުގެންދާކަމަށެވެ.
ހައުސިން މިނިސްޓްރީން ބުނީ ޑރ. މުއިއްޒުގެ ރިޔާސީ ވައުދާ އެއްގޮތަށް ހައުސިން ޔުނިޓްތަކަށް ދައްކަންޖެހޭ ފައިސާ (އެސްޓިމޭޓެޑް މަންތްލީ އިންސްޓޯލްމަންޓް ނުވަތަ އީ.އެމް.އައި) ގެ 20 އިންސައްތަ މާފުކޮށްދީފައިވާކަމަށެވެ.
މިގޮތުން 1 ޖެނުއަރީ 2024 އިން ފެށިގެން މަހުން މަހަށް ދައްކަންޖެހޭ ފައިސާ ގަވައިދާ އެއްގޮަތަށް ދެއްކުމަށް ޔުނިޓްތަކުގެ ވެރިންނަށް އަންގާފައިވާކަމަށް ހައުސިން މިނިސްޓްރީން ބުނެ އެވެ. އެހެންނަމަވެސް ގަވައިދާއި އެއްގޮތަށް ކުލި ނުދައްކާ ފަރާތްތަކާއި ޔުނިޓްތަކަށްް ބަދަލު ގެންނަ ފަރާތްތައް އުޅޭކަން ފާހަގަކޮށްް އެ ފަރާތްތަކާއި މެދު ފިޔަވަޅު އަޅާނެކަމުގެ އިންޒާާރު ހައުސިން މިނިސްޓްރީން ވަނީ ދީފަ އެވެ.
ސޯޝަލް ހައުސިންގެ ދަށުން ދޫކުރާ ގިނަ ޔުނިޓުތަކުން ކުލި ނުދެއްކުމަކީ ގިނަ ބަޔަކު ކުރާ ކަމެކެވެ. އެކަމާއި ގުޅިގެން ކުލި ނުދެއްކުމުގެ ރޫހެެއް އޮތީ އުފެދިފަ އެވެ. އެފަދަ މީހުންނާ ދެކޮޅަށް ސަރުކާރުތަކަށް އެކަށީގެންވާ ފިޔަވަޅެއް ނުވެސް އެޅެ އެވެ.
