ފުލުހުންގެ މިހެން ބުނެފައި ވަނީ، ސޯޝަލް މީޑިއާ ގައި ކުރި ޕޯސްޓެއްގަ އެވެ.
އެ ސްކޭމް މެސެޖުގައި ބުނެފައި ވަނީ ވިނަރެސް ފްލެޓްތަކަށް ރާއްޖޭގެ ކޮންމެ ރައްޔިތަކަށް ވެސް އެޕްލައި ކުރުމުގެ ފުރުސަތު އެޗްޑީސީން ހުޅުވާލައިފިވާ ކަމަށާއި، އިތުރު މައުލޫމާތު އެމީހުންގެ ވެބްސައިޓުން ލިބޭނެ ކަމަށެވެ.
ފުލުހުން ބުނީ، އެ މެސެޖާ އެކު ފޮނުވާފައިވާ ލިންކު މެދުވެރިކޮށް ފޭސްބުކް އަދި އިންސްޓަގްރާމް އެކައުންޓުތައް ހެކްކޮށް ފްރެންޑް ލިސްޓުގައިވާ ފަރާތްތަކަށް މެސެޖުކޮށް އެމީހުންގެ އަތުން ފައިސާ ހޯދަމުންދާ ކަން ފާހަގަކުރެވިފައިވާ ކަމަށެވެ.
ސަރުކާރުގެ އެކި ކުންފުނިތަކުގެ ނަމުގައި ވެސް ދަނީ ސްކޭމް މެސެޖުތައް ދައުރުކުރަމުންނެވެ.
މަކަރާއި ހީލަތުން ފައިސާ ހޯދުން ރާއްޖޭގައި އާންމުވެފައިވާއިރު، އެކި ދުވަސްވަރު އެކި އުކުޅުތައް ބޭނުންކޮށްގެން ދަނީ މި ފަދަ ކަންކަން ހިންގަމުންނެވެ.
