ޑެޕް ފެނިގެންދާނީ ޕެރަމައުންޓުން އުފައްދާ 'އޭ ކްރިސްމަސް ކެރޮލް' ގެ އާ ފިލްމުން އެބެނީޒާ ސްކްރޫޖްގެ ރޯލުންނެވެ.
މި ފިލްމަކީ ޑައިރެކްޓަރު ޓައި ވެސްޓް ޑައިރެކްޓްކުރާ ފިލްމެކެވެ. މިއީ ފާއިތުވި އަހަރުތަކުގައި އާންމުންގެ ސަމާލުކަމަށް އައިސްފައިވާ އޭނާގެ ގާނޫނީ މައްސަލަތަކަށް ފަހު، ޑެޕްއަށް ލިބޭ ފުރަތަމަ ބޮޑު ފުރުސަތެވެ. އެހެންކަމުން ގިނަ ބަޔަކު ދެކޭ ގޮތުގައި މިއީ އޭނާގެ ފިލްމީ ހަޔާތް އަލުން އާރާސްތު ކުރުމަށް ލިބޭނެ މުހިންމު ފުރުސަތެކެވެ.
ހޮލީވުޑްގެ ފާޑުކިޔުންތެރިންނާއި ދުނިޔޭގެ އެކި ކަންކޮޅުތަކުގައި ތިބި ޑެޕްގެ ސަޕޯޓަރުން އަންނަނީ މި ފިލްމަށް ވަރަށް ބޮޑަށް އިންތިޒާރު ކުރަމުންނެވެ. މި ފިލްމަށް ލިބޭ ތަރުހީބަކީ ޑެޕްގެ ކުރިމަގު ކަނޑައެޅިގެންދާނެ މުހިންމު ކަމެއްގެ ގޮތުގައި ގިނަ ބަޔަކު ސިފަކުރެއެވެ. އަދި ހޮލީވުޑްގައި ތަރިންނަށް ދެވޭ ދެވަނަ ފުރުސަތާ މެދު އާންމުން ދެކޭ ގޮތްވެސް މިކަމުން ހާމަވެގެންދާނެއެވެ.
