މި އުފާވެރި ހަބަރު އޭނާ ވަނީ އޭނާގެ އިންސްޓަގްރާމް އެކައުންޓު މެދުވެރިކޮށް ހިއްސާކޮށްފައެވެ.
މި ދެމަފިރިންގެ ކައިވެނީގެ ހަފުލާ ބާއްވާފައި ވަނީ މި މަހުގެ ހަތަރު ވަނަ ދުވަހު ނިއުޔޯކް ސިޓީގެ މަޝްހޫރު ޗެލްސީ ހޮޓަލުގެ ބާޑް ރޫމުގައެވެ. ވޯގް އަށް މައުލޫމާތު ދެމުން ކާލީ ބުނީ، އެއީ އެ ދެމީހުންނަށް ހާއްސަ ތަނަކަށް ވާތީ ކައިވެނި ކުރަން އެ ހޮޓާ އިހުތިޔާރު ކުރީ ކަމަށެވެ. އަދި ނިއުޔޯކަށް ދާ ކޮންމެ ފަހަރަކު އެ ހޮޓަލަކީ އެމީހުންގެ ދެވަނަ ގެ ކަމުގައި ވެފައިވާ ކަމަށްވެސް އޭނާ ބުންޏެވެ. މި ހަފުލާގައި 100 މެހެމާނުން ބައިވެރިވިއެވެ.
މީގެ އިތުރުން މި ހަފުލާގައި، ކާލީގެ ރައްޓެއްސެއް ކަމަށްވާ ރުފަސް ވޭންރައިޓް ވަނީ ލެނާޑް ކޯއެންގެ "ޗެލްސީ ހޮޓެލް" ލަވަ ކިޔައިދީ ހަފުލާގެ ބައިވެރިންނަށް ހައިރާންކަމެއް ގެނެސްދީފައެވެ. ކޯލް އަކީ ހަ ފަހަރު ގްރެމީ އެވޯޑު ހާސިލުކޮށްފައިވާ ޕްރޮޑިއުސަރެކެވެ.
