އެ އިދާރާއިން ބުނީ މޫސުން ގޯސްވެ، ކަނޑު ގަދަވުމުގެ ސަބަބުން ކޯސްޓްގާޑަށް ރޭ ވަނީ 6 ހާދިސާއެއް ރިޕޯޓްކޮށްފައިވާކަމަށެވެ. އަދި ކަނޑުމަތީގެ 3 ހާދިސާއެއްގައި އެމްއެންޑީއެފް ސެންޓްރަލް އޭރިއާ ކޮމާންޑް، ކޯސްޓްގާޑް ތާޑް ސްކޮޑްރަންއިން މިވަގުތުވެސް ހަރަކާތްތެރި ވަމުންދާކަމަށްް އެމްއެންޑީއެފުން ބުނެއެވެ. މި ހާދިސާތަކުގެ ތަފްސީލެއް އެމްއެންޑީއެފުން އަދި ނުދެއެވެ.
ރާއްޖޭގެ މޫސުން ގޯސްވެ ބައެއް ސަރަހައްދުތަކަށްް މޫސުމާއި ބެހޭ ގައުމީ އިދާރާއިން ވަނީ އެލާޓް ނެރަފައެވެ. މެޓް އޮފީހުން ބުނީ ރާއްޖޭގެ އެކިހިސާބަށް ވިއްސާރަކުރާނެ އަދި ބައެއް ރަށްތަކަށް ބޯކޮށް ވާރޭވެހި ގުގުރުން އެކަށިގެންވާކަމަށެވެ. ހުޅަނގުދެކުނާއި ހުޅަނގުން ގަޑިއަކު 05 މޭލާއި 15 މޭލާ ދެމެދުގެ ބާރުމިނުގައި ވައިޖެހޭނެ އަދި ވިލާގަނޑުގައި ގަޑިއަކު 35 މޭލަށް ވައިގަދަވުން އެކަށީގެންވާކަމަށްވެސް މެޓް އޮފީހުން ބުނެެއެވެ.
