ޒުލްފާ އެލްޖީއޭގެ ސީއީއޯގެ މަގާމަށްް އައްޔަންކުރީ މިދިޔަ ޑިސެމްބަރުމަހުގެ 26 ވަނަ ދުވަހުއެވެ. އެހެންނަމަވެސް އެއްވެސް އެންގުމެއް ނެތި އޭނާ އިއްޔެ ވަނީ އެ މަގާމުން ވަކިކޮށް ފޮރިން މިނިސްޓްރީގެ ސްޓޭޓް މިނިސްޓަރުކަމަށް އައްޔަން ކުރައްވާފައެވެ.
ޒުލްފާ ވިދާޅުވީ އެގޮތަށް ނިންމީ ކީއްވެގެންކަން އެނގިވަޑައިގަނުގަންނަވާ ކަމަށެވެ. އެހެެންނަމަވެސް އެ ނިންމެވުމަށް އިހްތިރާމު ކުރައްވާކަމަށްް ޒުލްފާ ވިދާޅުވިއެވެ.
އެލްޖީއޭގެ ސީއީއޯގެ މަގާމަށް ނިމާލު އައްޔަންކޮށް އޭނާއަށް މަގާމުގެ ފަތްކޮޅު މިއަދު ރައިސް ޑރ. މުއިއްޒު ވަނީ އަރުވާފައެވެ.
ލޯކަލް ގަވަމެންޓު އޮތޯރިޓީ (އެލްޖީއޭ)ގެ ސީއީއޯއަކަށް ނިމާލު އައްޔަންކުރެއްވީ މިނިސްޓަރު ފެންވަރުގައެވެ.
މި ސަރުކާރު ގެނައުމުގައި މުހިއްމު ދައުރެއް އަދާކުރި ނިމާލު ކުރުން ވަނީ މާލެ އަތޮޅު ކައުންސިލްގެ ރައީސްކަންވެސް ކުރައްވާފައެވެ.
ނިމާލު ވަނީ ރައީސް ޔާމިން ވެރިކަމުގައި ފެނަކަގެ އެމްޑީކަންވެސް ކުރައްވާފައެވެ.
