މުޑުދާރުކޮށް ކާއެއްޗެހި ހަދާ ދިވެހިންނަށް ވިއްކާ މައްސަލާގައި ތިން ބިދޭސީންއަކު ވަނީ ހައްޔަރުކޮށްފައެވެ.
މި މީހުން އަތުލައިގެންފައިވަނީ ދިރިނޫޅެވޭ ވަރަށް ބައުވެ ވީރާނާވެފައިވާ މުޑުދާރު ގެއެއްގައި، ވިޔަފާރިއަށް އެކިކަހަލަ ކާބޯތަކެތި ތައްޔާރުކުރަމުންދަނިކޮށްކަމަށް އިމިގްރޭޝަނުން ބުނެއެވެ. އަދި އެތަން ގިނަ އަދަދަކަށް އާންމުން ފިހާރަތަކުން ގަނެއުޅޭ ކާބޯތަކެތި ފެނިފައިވާތީ އެކަމަށް ސަމާލުވުމަށް އިމްގްރޭޝަނުން ވަނީ އެދިފައެވެ.
މުޑުދާރުކޮށް ހަދާ ވިއްކަން ނެރެފައި ހުރި ތަކެތި
މީ މީހުން ހަދާ ވިއްކަން ނެރެފައިވާ ތަކެތި ހުރީ އެކި ބްރޭންޑް ނަންތައް ޖަހައިގެން ބަންދުކޮށްފައެވެ. އޭގެތެރޭގައި ކަންމަތީ ފިހާރަތަކުގައި ވިއްކަން ހުންނަ އަތުޖެހި. ކުދި ގުޅަ، ހަނާކުރި ފޯއް، ތެއްލިފަތް އެބަހުއްޓެވެ. މީގެއިތުރުން އެކި ރަހަތަކަށް ހަދާފައި ހުރި ފޯއް ޕެކެޓްތެއްވެސް އެބަ ހުއްޓެވެ.
މުޑުދާރުކޮށް ހަދާ ވިއްކަން ނެރެފައި ހުރި ތަކެތި
އިމްގްރޭޝަނުން މިވަނީ މި ތަކަތި ހަދާފައިވާ ނަންތައް އެނގޭ ގޮތަށް އެތަކެތީގެ ފޮޓޯތައް އާއްމުކޮށްފައެވެ.
ގަވާއިދާ ހިލާފަށް އުޅޭ ބިދޭސީން ހޯދުމަށް ކުރިއަށްގެންދާ އޮޕަރޭޝަންގެ ތެރެއިން މިހާތަނަށް ޖުމްލަ 120 މީހުން އިމިގްރޭޝަންގެ ދަށަށް ގެނެވި، އެމީހުން ފުރުވާލުމުގެ މަސައްކަތް ކުރިއަށްދާ ކަމަށް އިމިގްރޭޝަނުން ވަނީ ބުނެފަ އެވެ.
މުޑުދާރުކޮށް ހަދާ ވިއްކަން ނެރެފައި ހުރި ތަކެތި
މިސަރުކާރު ހަވާލުވިފަހުން މިހާތަނަށް ގަވާއިދާ ހިލާފަށް އުޅެމުން ދިޔަ 2013 ބިދޭސީއަކު ރާއްޖެ ނާދެވޭނެހެން ޑީޕޯޓްކޮށްލާފައިވާކަމަށްވެސް އިމިގްރޭޝަނުން ވަނީ ބުނެފަ އެވެ.
